اتالعان دەرەكتى ق ر د س م سانيتاريالىق- ەپيدەميولوگيالىق باقىلاۋ كوميتەتى ءتوراعاسىنىڭ ورىنباسارى مارال راقىمجانوۆا كەلتىردى، دەپ حابارلايدى قازاقپارات ءتىلشىسى.
«ءبىزدىڭ ۆەدومستۆوعا Pfizer ۆاكسيناسىن ەلىمىزدىڭ سىرتقى ىستەر مينيسترلىگى ارقىلى گۋمانيتارلىق كومەك رەتىندە بەرۋ مۇمكىندىگى تۋرالى ۇسىنىس ءتۇستى. ۆاكسينا 5 پەن 11 جاس ارالىعىنداعى بالالارعا ارنالعان. قازىر اتالعان ۇسىنىس پىسىقتالىپ، ۆاكسينانى قابىلداۋ مۇمكىندىگى تالقىلانىپ جاتىر. ەلىمىزدە بالالارعا ارنالعان Pfizer ۆاكسيناسى ءبىتىپ قالعان. ايتا كەتسەك، اتالعان ەكپە 12 جاستان جوعارى جاسوسپىرىمدەرگە سالىنادى»، - دەدى مارال راقىمجانوۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، ا ق ش- تان گۋمانيتارلىق كومەك رەتىندە جەتكىزىلۋى مۇمكىن Pfizer ۆاكسيناسىىڭ كولەمى بەلگىسىز. سەبەبى، ماسەلە قارالىپ جاتىر.
«قازىرگى تاڭدا ەلىمىزدە شامامەن 570 مىڭ دوزا ۆاكسينا بار. ونىڭ ىشىندە QazVac 225 مىڭ جانە Sinopharm 345 مىڭ دوزا. ەرەسەكتەر ءۇشىن Pfizer ۆاكسيناسى جوق»، - دەيدى ول.
ەسكە سالا كەتسەك، قازان ايىنىڭ ورتاسىندا ەلىمىزدىڭ دەنساۋلىق ساقتاۋ مينيسترلىگى 11 ميلليونعا جۋىق قازاقستاندىقتىڭ كوروناۆيرۋسقا قارسى ەكپە العانى تۋرالى حابارلاعان ەدى.