ۇمىتكەردىڭ قايسىسى مىقتى ەكەنىن سايلاۋ عانا انىقتايدى - ەرلان قوشانوۆ

استانا. قازاقپارات – ق ر پرەزيدەنتىن سايلاۋدا كانديداتتاردىڭ قايسىسىنىڭ مىقتى ەكەنىن سايلاۋ عانا انىقتايدى.

بۇل تۋرالى ءماجىلىس ءتوراعاسى ەرلان قوشانوۆ ايتتى، دەپ حابارلايدى قازاقپارات ءتىلشىسى.

«ۇمىتكەردىڭ قايسىسىنىڭ مىقتى نەمەسە وسال ەكەنىن سايلاۋ عانا انىقتايدى، ياعني حالىق وعان باعاسىن بەرەدى. الداعى سايلاۋدىڭ تاعدىرىن سايلاۋشىلار شەشەدى»، - ءماجىلىس ءتوراعاسى پالاتانىڭ وتىرىسىنان كەيىن وتكەن باسپا ءسوز ءماسليحاتىندا.

سونىمەن قاتار ە. قوشانوۆ 11- قاراشادا وتەتىن كانديداتتار اراسىنداعى تەلەدەباتقا پرەزيدەنتتىڭ اتىنان نەگە قاتىساتىنىن ءتۇسىندىردى.

«مەملەكەت باسشىسى قاسىم-جومارت توقايەۆ ءوز وكىلەتتىگىن جالعاستىرىپ جاتىر جانە جۇمىس كەستەسى وتە تىعىز. پرەزيدەنت رەتىندە مەملەكەتتىڭ بۇكىل تاعدىرىنا، ىشكى ءارى سىرتقى ساياساتىنا جاۋاپ بەرەدى. سىرتقى ساياسات پەن ىشكى ماسەلەلەر ۇگىت-ناسيحات جۇرگىزۋىن كۇتىپ تۇرمايدى. ەكىنشىدەن، دەباتقا شتابتىڭ اتىنان ءوزىنىڭ وكىلىنىڭ قاتىسۋى سايلاۋ زاڭناماسىنا قايشى كەلمەيدى»، - دەدى ءماجىلىس ءتوراعاسى.

بۇدان بۇرىن حابارلانعانداي، جاقىندا تەلەدەباتقا قاتىساتىن كانديداتتار ءتىزىمى بەكىتىلدى.

پىكىرسايىسقا قاتىسۋشىلاردىڭ كەلەسى قۇرامى ۇسىنىلدى: ابدەن قاراقات جاقسىلىق قىزى، اۋەسبايەۆ نۇرلان ساتىبالدى ۇلى، دايرابايەۆ جيگۋلي مولداحالىق ۇلى، قاجىكەن مەيرام زەكەش ۇلى، قوشانوۆ ەرلان جاقان ۇلى، تۇرسىنبەكوۆا سالتانات پارحات قىزى.

ق ر ورتالىق سايلاۋ كوميسسياسىنىڭ مۇشەسى اناستاسيا شەگورتسوۆا قازىرگى مەملەكەت باسشىسى قاسىم-جومارت توقايەۆتىڭ 11-قاراشادا وتەتىن سايلاۋ الدىنداعى تەلەۆيزيالىق پىكىرتالاسقا نەلىكتەن قاتىسپايتىنىن ءتۇسىندىردى.