الماتىدا جول ەرەجەسىن ورەسكەل بۇزعان جۇرگىزۋشىلەر توبى ۇستالدى

سولاردىڭ ءبىرىنىڭ ۆيدەوسى Instagram-دا جاريالاندى.

ۆيدەودان جول ەرەجەسىن بۇزعاندار Lexus, BMW، Toyota Land Cruiser سىندى قىمبات كولىكتەر مىنگەنىن كورگە بولادى.

ۆيدەو رەسەيلىك بلوگەر MAJORKA YouTube ارناسىندا «زولوتايا مولودەج كازاحستانا بەسپرەدەل ۆ گورودە! دەگەن اتاۋمەن جاريالاندى.

الماتى قالاسىنىڭ پوليتسيا دەپارتامەنتى بۇزاقىلاردى انىقتاپ، ولاردىڭ بارلىعى 24 جاستان 35 جاسقا دەيىنگى ەر ادامدار ەكەنىن ايتتى. جەرگىلىكتى پوليتسيا قىزمەتى باسقارماسىنىڭ ىزدەۋ ءبولىمى تەكسەرۋ جۇرگىزدى.

«ناتيجەسىندە جول قوزعالىسى ەرەجەلەرىن ورەسكەل بۇزعان كەلەسى جۇرگىزۋشىلەر جاۋاپقا تارتىلدى:

- Lexus ماركالى اۆتوكولىكتى باسقارعان 1998 -جىلى تۋعان پ. قۇربانوۆقا اكىمشىلىك قۇقىق بۇزۋشىلىق تۋرالى ق ر كودەكسىنىڭ 595-بابى، 1-بولىگى «مانەۆر جاساۋ قاعيدالارىن بۇزۋ» (3 حاتتاما) جانە 590-بولىگى، 1-بولىگى «كولىك قۇرالدارىن پايدالانۋ قاعيدالارىن بۇزۋ» (ك ر ك وب ا پ) بويىنشا حاتتامالار جاسالدى؛

- BMWX5 ماركالى اۆتوماشينانى باسقارعان 1993 -جىلى تۋعان س. ا. پولنيەۆ ازاماتىنا 595-باپ، 1- ءبولىم (2-حاتتاما)؛ 590، 1-ءبولىم؛ 601، 1-ءبولىم بويىنشا «جول بەلگىلەرىمەن نەمەسە جولدىڭ ءجۇرۋ بولىگىن بەلگىلەۋمەن بەلگىلەنگەن تالاپتاردى ساقتاماۋ» اكىمشىلىك قۇقىق بۇزۋشىلىق تۋرالى حاتتامالار جاسالدى؛

- Range Rover ماركالى اۆتوكولىكتى باسقارعان 1987 -جىلى تۋعان ازامات ر. س. احمەدوۆقا 595-باپ، 1-ءبولىم (3-حاتتاما) جانە 590-باپ، 1-ءبولىم بويىنشا اكىمشىلىك قۇقىق بۇزۋشىلىق تۋرالى حاتتامالار جاسالدى؛

- Toyota Land Cruiser 200 ماركالى اۆتوكولىگىن باسقارعان 1999 -جىلى تۋعان نۋري م. گ. ازاماتىنا 595-باپ، كركوباپتىڭ 1-بولىگى (3 حاتتاما) بويىنشا اكىمشىلىك قۇقىق بۇزۋشىلىق تۋرالى حاتتامالار جاسالدى؛

- Huindai Sonata ماركالى اۆتوكولىكتى باسقارعان 2003 -جىلى تۋعان ازامات ا. د. اليەۆكە 595-باپ، 1-ءبولىم (3-حاتتاما)؛ 590-ءبولىم، 1-ءبولىم بويىنشا اكىمشىلىك قۇقىق بۇزۋشىلىق تۋرالى حاتتامالار جاسالدى؛

- Lexus 570 ماركالى اۆتوكولىكتى باسقارعان 1994 -جىلى تۋعان ازامات ە. ب. بەرىكجانعا 595 - باپ، 1-ءبولىم (2-حاتتاما) جانە 601-ءبولىم، 1-ءبولىم بويىنشا اكىمشىلىك قۇقىق بۇزۋشىلىق تۋرالى حاتتامالار جاسالدى»، - دەلىنگەن الماتى قالاسى پوليتسيا دەپارتامەنتىنىڭ باسپا ءسوز قىزمەتىنىڭ حابارلاماسىندا.

Tengrinews.kz