اقتوبەدە سۋىق ءتيىپ اۋىرعاندار سانى ەكى ەسە كوبەيدى
اقتوبەدە اپتا سايىن اۋىرىپ، ەم ىزدەگەن ادامدار سانى ارتىپ وتىر. سوڭعى ءبىر ايدا جۇكتى ايەلدەر اراسىندا 125 جاعداي تىركەلگەن.
ج ر ۆ ي- مەن اۋىرعان 293 ادام اۋرۋحاناعا جاتقىزىلدى، ونىڭ ىشىندە 69 جۇكتى ايەل جانە 1 جاسقا دەيىنگى 73 بالا.
«پوليمەرازدى تىزبەك رەاكسياسى ادىسىمەن 446 سىناما زەرتتەلىپ، ونىڭ 126 ((,2) وڭ ناتيجە كورسەتتى. تۇماۋدىڭ ۆ ءتيپى جانە ا ءتيپى انىقتالدى. تۇماۋ جۇقتىرعان 87 ادام اۋرۋحاناعا جاتقىزىلدى، ونىڭ ىشىندە 55 ى جۇكتى ايەل. تۇماۋعا قارسى بارلىعى 143217 ادام ەگىلدى. وبلىس حالقىنىڭ جالپى سانىنىڭ ۇلەس سالماعى ,7 قۇرادى»، - دەدى اقتوبە وبلىستىق سانيتاريالىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى مۇحتار سەربايەۆ.
اقتوبە وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ءىزباساروۆتىڭ ايتۋىنشا، تۇماۋعا قارسى ۆاكسينا ءۇشىن بيۋدجەتتەن 100 ميلليون تەڭگەدەن استام قارجى بولىنگەن. ۆاكسينا رەسەيدەن اكەلىندى.
الدىمەن مەديتسينا، ءبىلىم، الەۋمەتتىك سالا قىزمەتكەرلەرى مەن قۇقىق قورعاۋشىلار ۆاكسينا سالدىردى.
ديسپانسەرلىك ەسەپتە تۇرعان ادامدار دا ەكپە قابىلدادى.
«قازىرگى كەزدە 100-دەن استام ادام اۋرۋحانادا جاتىر. ونىڭ 86 ى - بالا. تۋا ءبىتتى سال اۋرۋىنا شالدىققان ءبىر بالا جانساقتاۋ بولىمىندە. جاعدايى تۇراقتى اۋىر. وتكەن جىلمەن سالىستىرعاندا ج ر ۆ ي-عا شالدىققاندار سانى ەكى ەسە ارتتى. كوبىنە يممۋنيتەتى ءالسىز توپتارعا قيىن. سوندىقتان ۆاكتسينا سالدىرۋعا شاقىرامىز. ۆاكتسينا بارلىق ەمدەۋ مەكەمەسىندە بار»، - دەدى بەكبولات ءىزباساروۆ.
ايتا كەتەيىك، وبلىستا بارلىعى 180 مىڭنان استام ادامعا تۇماۋعا قارسى ۆاكسينا سالدىرۋ جوسپارلانىپ وتىر.