«2021-جىلعى ىسكەرلىك كليمات» اتتى زەرتتەۋدىڭ قورىتىندىسى بويىنشا، كاسىپكەرلەردىڭ %17 سالىقتىڭ تىم جوعارى ەكەنىن ايتسا، %5 سالىق ورگاندارىنىڭ تاراپىنان قىسىم بار ەكەنىن ايتقان.
سالىق جۇكتەمەسىن ەسەپتەۋ ادىستەمەسىن قايتا قاراۋ قاجەت دەپ ەسەپتەيمىز. سالىق جۇكتەمەسىنىڭ كوەففيتسەنتىن دۇنيەجۇزىلىك بانكتىڭ ادىستەمەسى بويىنشا ەسەپتەۋدى ۇسىنامىز.
قازىرگى تاڭدا بۇكىل كاسىپكەرلەر ءۇشىن ەڭبەككە اقى تولەۋ قورىنان شاعىن بيزنەستىڭ ارنايى سالىق رەجيمىنە ءبىرىڭعاي تولەم ەنگىزۋ تۋرالى تۇزەتۋلەر جوباسى قارالىپ جاتىر»، - دەدى ول Facebook-تەگى پاراقشاسىندا.
ۇلتتىق ەكونوميكا مينيسترلىگىنىڭ ەسەبى بويىنشا، مەملەكەت جالپى سوماسى 4,5 تريلليون تەڭگە بولاتىن 277 ءتۇرلى سالىق جەڭىلدىگىن ۇسىنىپ وتىر.
«ونىڭ %50 دايى قوسىمشا قۇن سالىعى بويىنشا جەڭىلدىكتەر. ءبىراق قوسىمشا قۇن سالىعىن سارالاپ تاعايىنداماسا، قازىرگى جەڭىلدىكتەردى ساقتاپ قالۋ مۇمكىن ەمەس.
قازىرگى تاڭدا پرەزيدەنت تاپسىرماسى بويىنشا، سالىق ساياساتىنىڭ ۇزاق مەرزىمدى تۇجىرىمداماسى ازىرلەنىپ جاتىر. بۇل تۇجىرىمداما قابىلدانسا، اتالعان پروبلەما شەشىمىن تابادى دەپ ۇمىتتەنەمىن»، - دەيدى رۋستام ءجۇرسىنوۆ.