الماتىدا ەكى اۆتوبۋس سوقتىعىستى
16:02, 08 - قاراشا 2022
الماتى. قازاقپارات - الماتىدا تولە ءبي - ابىلاي حان كوشەلەرىنىڭ قيىلىسىندا ەكى اۆتوبۋس سوقتىعىستى، دەپ حابارلايدى قازاقپارات ءتىلشىسى.
وقيعاعا كۋا بولعانداردىڭ ايتۋىنشا، زارداپ شەككەندەر كوپ.
«تولە ءبي - ابىلاي حان كوشەلەرى قيىلىسىنىڭ ءدال ورتاسىندا جان تۇرشىگەرلىك اپات بولدى. ەكى اۆتوبۋس سوقتىعىسىپ، ساياباققا كىرىپ كەتتى. جولاۋشىلارعا وبال بولدى، كوپتەگەن زارداپ شەككەندەر بار»، - دەپ جازدى وقيعا كۋاگەرى Facebook-تە.
الماتى قالالىق موبيلدىلىك باسقارماسىنىڭ مالىمەتىنشە، قۇزىرلى ورگاندار وقيعا ورنىندا جۇمىس ىستەۋدە.
جول-كولىك اپاتىنىڭ سەبەبىن پوليتسيا قىزمەتكەرلەرى انىقتاۋدا.
الماتىدا جاقىندا عانا تاعى ءبىر قوعامدىق كولىك جول اپاتىنا ۇشىراعان ەدى. ول كەزدە جۇرگىزۋشى رۋلگە يە بولا الماي قالىپ، تۇرعىن ۇيگە سوعىلعان بولاتىن.