الماتى اكىمدىگى اۋا رايىنا بايلانىستى جۇرگىزۋشىلەرگە ۇندەۋ جاسادى
«قازگيدرومەت» ر م ك بولجامى بويىنشا بۇگىن، 8-قاراشادا الماتىدا كۇنى بويى قاتتى جاڭبىر جاۋىپ، ارتى دىمقىل قارعا ۇلاسادى دەپ كۇتىلىپ وتىر.
تۇندە اۋا تەمپەراتۋراسى -1 -3 گرادۋسقا دەيىن تومەندەيدى، كوكتايعاق بولادى.
«جولداعى قاۋىپسىزدىكتى قامتاماسىز ەتۋ ماقساتىندا اۆتوكولىك جۇرگىزۋشىلەرىنە جازعى دوڭگەلەكتەرىن قىسقى دوڭگەلەككە ۋاقتىلى اۋىستىرۋدى ۇسىنامىز. جولدا كوكتايعاق ءارى قوزعالىس بولىگىندە تايعاناق قابىرشىقتاردىڭ پايدا بولۋىنا بايلانىستى جۇرگىزۋشىلەر قوزعالىس جىلدامدىعىن تومەندەتىپ، اۆتوموبيلدەر اراسىنداعى قاشىقتىقتى ارتتىرىپ، ءبۇيىر ارالىقتى ساقتاۋى، كەنەتتەن مانيەۆر جاساۋدان، تەجەگىشتى كىلت باسۋدان اۋلاق بولعانى ءجون»، - دەلىنگەن حابارلامادا.
سينوپتيكتەردىڭ بولجامىنشا، بۇگىن اتموسفەرالىق فرونتتارعا بايلانىستى قازاقستان رەسپۋبليكاسىنىڭ باسىم بولىگىندە تۇراقسىز اۋا رايى ساقتالادى، جاڭبىر جانە قار جاۋادى.
قازاقستاننىڭ وڭتۇستىگىندە، وڭتۇستىك- شىعىسىندا قاتتى جاۋىن-شاشىن جاۋادى. رەسپۋبليكا بويىنشا تۇمان ءتۇسىپ، كوكتايعاق بولادى، جەل كۇشەيەدى.