«2022 -جىلعى قازاندا وبلىس ورتالىعى اۋماعىندا كوشى-قون قىزمەتىنىڭ قىزمەتكەرلەرى يتاليا ازاماتىن انىقتادى. ول 2017 -جىلدان بەرى ازاماتتىق زاڭناماسىن بۇزىپ كەلگەن»، - دەدى قوستاناي وبلىسى اكىمدىگىنىڭ كوشى-قون قىزمەتىنىڭ باسشىسى قايرات دۇتپايەۆ.
ايەل شەتەل ازاماتتىعىن العانى تۋرالى دەر كەزىندە حابارلاماعاندىقتان، 4-قاراشادا قوستاناي قالاسىنىڭ اكىمشىلىك ىستەر جونىندەگى مامانداندىرىلعان سوتى ونى قازاقستاننان شىعارۋ تۋرالى شەشىم شىعارعان.
زاڭ بويىنشا ازاماتتار باسقا مەملەكەتتىڭ ازاماتتىعىن العان كۇننەن باستاپ كۇنتىزبەلىك 30 كۇن ىشىندە بۇل تۋرالى قازاقستان رەسپۋبليكاسىنىڭ ىشكى ىستەر ورگاندارىنا نەمەسە شەتەلدەگى مەكەمەلەرىنە حابارلاۋى قاجەت.