وقۋشىلار تۇماۋعا بايلانىستى ونلاين وقي ما - مينيسترلىك جاۋابى

استانا. قازاقپارات - وقۋ-اعارتۋ مينيسترلىگىنىڭ باسپا ءسوز حاتشىسى ءمولدىر ابدۋاليەۆا تۇماۋعا بايلانىستى وقۋشىلاردى قاشىقتان وقۋ فورماتىنا اۋىستىرۋ ۇسىنىسىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

ايتا كەتەيىك، بۇعان دەيىن دەنساۋلىق ساقتاۋ مينيسترلىگى ءبىر سىنىپتا وقيتىن بالالاردىڭ 30 پايىزدان استامى ج ر ۆ ي (جىتى رەسپيراتورلىق ۆيرۋستىق ينفەكسياسى) جۇقتىرسا، وندا ولاردى ونلاين وقۋ فورماتىنا اۋىستىرۋدى ۇسىنعان ەدى.

«الەمدە مەكتەپتەر ءبىرىنشى بولىپ اشىلىپ، سوڭعى بولىپ جابىلادى. بۇل تۋرالى يۋنيسەف وكىلدەرى دە مالىمدەدى. ءبىز بالالاردىڭ تولىق ءارى ساپالى ءبىلىم مەن ولاردىڭ ءال-اۋقاتىن قامتاماسىز ەتۋ ماڭىزدى دەپ سانايمىز. وسىعان وراي، وقۋ-اعارتۋ مينيسترلىگى ونلاين فورماتتا وقىتۋ ۇسىنىسىن قولدامايدى»، - دەپ ءمالىم ەتتى ءمولدىر ابدۋاليەۆا.

قوسا كەتسەك، سانيتاريالىق-ەپيدەميولوگيالىق باقىلاۋ كوميتەتىنىڭ مالىمەتىنشە، بيىل 1 - قازاننان باستاپ ەلىمىزدە 764247 ج ر ۆ ي جۇقتىرعان. ال ەلىمىزدە تۇماۋعا قارسى ۆاكسينانى 1,8 ميلليون ادام العان.