باس پروكۋراتۋرا قاڭتار وقيعاسى كەزىندە ۇرلانعان قارۋ تۋرالى ايتتى

ونىڭ ايتۋىنشا، بيىل قاڭتاردا قۇقىق قورعاۋ ورگاندارى عيماراتتارىنان 1259 تابەلدىك قارۋ ۇرلانىپ، سونىڭ ىشىندە اۆتوماتتار، تاپانشالار بار.

«اتاپ ايتقاندا، الماتى وبلىسىندا پوليتسيا دەپارتامەنتى عيماراتىنان 53 اۆتومات، 367 تاپانشا، 1 گراناتومەت، سونداي-اق 20 مىڭنان استام پاترون ۇرلاندى»، - دەدى ە. قيلىمجانوۆ ورتالىق كوممۋنيكاتسيالار قىزمەتىندەگى بريفينگىدە.

ونىڭ سوزىنە قاراعاندا، جامبىل وبلىسىندا 200 اۆتومات، 148 تاپانشا، 11 گراناتومەت، ءبىر پۋلەمەت جانە 40 مىڭعا جۋىق پاترون ۇرلاندى.

«رەزيدەنتسيادا ويران سالۋدان كەيىن 130 قارۋ مەن وق-ءدارىنىڭ جەتىسپەيتىنى انىقتالدى. ونىڭ ىشىندە 80 گراناتا، 17 تاپانشا، 11 اۆتومات، 21 گراناتومەت جانە سنايپەر مىلتىعى بار. اتالعان قارۋدى كەيىننەن قىلمىسكەرلەر بەيبىت تۇرعىندار مەن قۇقىق قورعاۋ قىزمەتكەرلەرىنە قارسى قولداندى»، - دەدى باس پروكۋراتۋرا وكىلى.