پالاتا دەپۋتاتتارىنا «قازاقستان رەسپۋبليكاسىنىڭ قىلمىستىق- پروتسەستىك كودەكسىنە سوت القابيلەردىڭ قاتىسۋىمەن قارايتىن ىستەر ساناتتارىن كەڭەيتۋ ماسەلەلەرى بويىنشا وزگەرىستەر ەنگىزۋ تۋرالى» زاڭ جوباسىن ءبىرىنشى وقىلىمدا قاراۋ ۇسىنىلدى.
زاڭ جوباسى مەملەكەت باسشىسىنىڭ 2022 -جىلعى 16-ناۋرىزداعى جولداۋىن ىسكە اسىرۋ ءۇشىن ازىرلەنگەن.
ماقساتى - القابيلەردىڭ قاتىسۋىمەن ىستەردى قاراۋ ماسەلەلەرىن رەتتەيتىن قىلمىستىق ءىس جۇرگىزۋ زاڭناماسىن جەتىلدىرۋ.
قازىر القابيلەر قىلمىستىق قۇقىق بۇزۋشىلىقتاردىڭ 14-قۇرامىن قاراستىرادى.
2023 -جىلعى 1-قاڭتاردان باستاپ 35 كە دەيىن، ال 2024 -جىلعى 1-قاڭتاردان باستاپ، اسا اۋىر عانا ەمەس، قۇقىق بۇزۋشىلىقتاردىڭ باسقا دا قۇرامى بويىنشا 43-كە دەيىن ۇلعاياتىن بولادى.
سونىمەن قاتار كۇن ءتارتىبىنىڭ جوباسىندا پالاتا كوميتەتتەرى ءبىرقاتار جاڭا جوبالاردى جۇمىسقا الۋدى كوزدەيدى.
ولار: تۇرعىن ءۇي- كوممۋنالدىق شارۋاشىلىق، ەڭبەك داۋلارى مەن جانجالداردى شەشۋ ءتارتىبىن وڭايلاتۋ جانە جايىلىمداردى پايدالانۋ ماسەلەلەرى تۋرالى زاڭ جوبالارى.
ماجىلىسكە كەلىپ تۇسكەن زاڭ جوبالارىنىڭ قاتارىندا اكىمشىلىك قۇقىق بۇزۋ تۋرالى كودەكسىنە ەسىرتكى قۇرالدارىنىڭ، پسيحوتروپتىق زاتتار مەن ولاردىڭ پرەكۋرسورلارىنىڭ زاڭسىز اينالىمىنا قارسى ءىس- قيمىل ماسەلەلەرى تۋرالى، سونداي- اق راتيفيكاتسيالاناتىن زاڭ جوبالارى بار.