بۇل تۋرالى اشىق تالقىعا شىعارىلعان ءتيىستى ورگاننىڭ «سوت اكىمشىلىگىنىڭ كەيبىر ماسەلەلەرى تۋرالى» قاۋلىسىندا كورسەتىلگەن، دەپ حابارلايدى قازاقپارات ءتىلشىسى.
قۇجاتقا ساي، سوت اكىمشىلىگىنىڭ مىندەتتەرى:
- سوت اكىمشىلىگى سالاسىنداعى مەملەكەتتىك ساياساتتى ازىرلەۋ جانە جەتىلدىرۋ؛
- سوت تورەلىگىن تولىق جانە تاۋەلسىز ىسكە اسىرۋ ءۇشىن قاجەتتى جانە ءتيىستى جاعدايلار جاساۋ؛
- سوت جۇيەسى مەن سوتتاردىڭ قىزمەتىن جەتىلدىرۋگە باعىتتالعان جۇيەلى رەفورمالاردى ازىرلەۋ.
«سوت اكىمشىلىگى ق ر جوعارعى سوتىنىڭ، جەرگىلىكتى جانە باسقا دا سوتتاردىڭ قىزمەتىن ۇيىمدىق- قۇقىقتىق، اقپاراتتىق- تالداۋ جانە ماتەريالدىق- تەحنيكالىق قامتاماسىز ەتۋدى جۇزەگە اسىراتىن سوت اكىمشىلىگى سالاسىنداعى ۋاكىلەتتى مەملەكەتتىك ورگان بولىپ تابىلادى»، - دەلىنگەن قاۋلىدا.
مۇنداي ءتاسىل سوت ءتوراعالارىن اكىمشىلىك فۋنكسيالاردان بوساتۋعا مۇمكىندىك بەرەدى. ياعني، ەندى سۋديالار كورپۋسى تەك سوت تورەلىگىن جۇزەگە اسىرۋ ماسەلەلەرىمەن عانا اينالىسادى.
سوت اكىمشىلىگىنە زاڭنامادا بەلگىلەنگەن تارتىپتەرگە سايكەس ۋاكىلەتتىك بەرىلگەن بولسا، وندا ول مەملەكەت اتىنان ازاماتتىق- قۇقىقتىق قاتىناستار تاراپىن ۇسىنۋشى ورعان بولۋعا قۇقىلى.
«دەگەنمەن سوت اكىمشىلىگىنە كاسىپكەرلىك سۋبەكتىلەرىمەن ونىڭ وكىلەتتىگى بولىپ تابىلاتىن مىندەتتەردى ورىنداۋ تۇرعىسىندا شارتتىق قاتىناستارعا تۇسۋگە تىيىم سالىنادى»، - دەپ كورسەتىلگەن جاڭا ۇيىمنىڭ تارپتىپتەرىن ايقىنداۋ قۇجاتىندا.
سونداي- اق، سوت اكىمشىلىگى قىزمەتكەرلەرىنىڭ جالاقىلارى ق ر پرەمەر- ءمينيسترى كەڭسەسىنىڭ جانە ق ر پارلامەنتى پالاتالارى اپپاراتتارىنىڭ قىزمەتكەرلەرىمەن تەڭەستىرىلەدى.
سوت اكىمشىلىگىن قۇرۋ جۇمىستارى مەن وعان قاجەتتى شارالاردى قابىلداۋ جوعارعى سوت پەن ۇكىمەتكە جۇكتەلەدى. بۇل باعىتتاعى جۇمىستار 3 اي مەرزىمدە اياقتالۋى ءتيىس.