بۇل تۋرالى اشىق تالقىعا شىعارىلعان قازاقستان ۇكىمەتى مەن ا ق ش- تىڭ دەنساۋلىق ساقتاۋ جانە الەۋمەتتىك قامسىزداندىرۋ مينيستىرلىگى اراسىنداعى گۋمانيتارلىق كومەك كورسەتۋ تۋرالى كەلىسىم قۇجاتىندا جازىلعان، دەپ حابارلايدى قازاقپارات ءتىلشىسى.
«كەلىسىم اياسىندا ا ق ش- تا 5-11 جاس ارالىعىنداعى بالالارعا شۇعىل قولدانۋ ءۇشىن ماقۇلدانعان، ءبىراق بۇگىنگە دەيىن اقش- تىڭ ازىق- تۇلىك جانە ءدارى- دارمەك باسقارماسى (FDA) بەكىتپەگەن جانە ليتسەنزيالاماعان «Pfizer- BioNTech» وندىرگەن COVID-19 ۆاكتسيناسىن بەرۋ قاراستىرىلادى»، - دەلىنگەن كەلىسىم قۇجاتىندا.
بۇل ورايدا، تاراپتار كەلىسىمى نەگىزىندە ۆاكسينامەن جۇمىس ىستەۋدەگى جاۋاپكەرشىلىك قازاقستانعا جۇكتەلەدى. سونىمەن قاتار، ەل ۇكىمەتى ەكپەلەردى ەلگە ۋاقىتىلى جەتكىزۋ باعىتىنداعى قاجەتتى شارالاردى قابىلدايدى.
«بۇل رەتتە قازاقستانعا يمپورتتالاتىن اتالعان ماتەريالدار سالىقتار مەن وزگە دە تولەمدەردەن بوساتىلادى»، - دەپ كورسەتىلگەن قۇجاتتا.
بۇل كەلىسىمگە قازاقستان ۇكىمەتىنىڭ اتىنان دەنساۋلىق ساقتاۋ ءمينيسترى اجار عينياتقا قول قويۋعا ۋاكىلەتتىك بەرىلگەن.
قۇجاتتى اشىق تالقىلاۋ 21-قاراشاعا دەيىن جالعاسادى.