الداعى ءۇش كۇندە قار مەن جاڭبىر مولىنان جاۋادى

استانا. قازاقپارات - قازگيدرومەت سينوپتيكتەرى 8-11-قاراشا ارالىعىندا قازاقستاندا اۋا رايى قانداي بولاتىنىن ءمالىم ەتتى، دەپ حابارلايدى قازاقپارات.

اتموسفەرالىق فرونتتار جاڭا جۇمىس اپتاسىنىڭ باسىندا اۋا رايىنىڭ تۇراقسىز سيپاتىنا الىپ كەلەدى.

ەل اۋماعىندا جاۋىن-شاشىن مول تۇسەدى، كوبىنە قار جاۋادى.

وڭتۇستىك وڭىرلەردە قار ارالاس جاڭبىر، ال 8-قاراشادا شىعىستىڭ جەكەلەگەن اۋداندارىندا، قازاقستاننىڭ وڭتۇستىگى مەن وڭتۇستىك- شىعىسىنىڭ تاۋلى ايماقتارىندا جانە تاۋ بوكتەرىندە قاتتى جاۋىن- شاشىن جاۋادى.

تۇنگى جانە تاڭەرتەڭگى ساعاتتاردا تۇمان ءتۇسىپ، كوكتايعاق بولادى، ەلدىڭ سولتۇستىك جارتىسىندا جاياۋ بۇرقاسىن سوعادى.

رەسپۋبليكا بويىنشا تەمپەراتۋرالىق فوندا كۇرت وزگەرىس بولمايدى.