وقۋ-اعارتۋ مينيسترلىگى قاتىسۋعا بولاتىن ءبىلىم وليمپيادالارىنىڭ ءتىزىمىن بەكىتتى
زياتكەرلىك سايىستار اۋىلدىق، قالالىق، مەملەكەتتىك، جەكەمەنشىك جانە مامانداندىرىلعان مەكتەپتەردىڭ وقۋشىلارىنا ارنالعان.
ولارعا 2-4، 5-6، 9-11 (12) سىنىپ وقۋشىلارى قاتىسا الادى.
وقۋشىلار ءۇشىن بارلىعى 142 وليمپيادا مەن جارىس قاراستىرىلعان. ال 33 وليمپيادا مۇعالىمدەرگە ارنالعان.
بۇل بايقاۋلاردىڭ ناتيجەسى اتتەستاتسيا كەزىندە ەسكەرىلەدى.
وليمپيادالاردىڭ باسىم كوپشىلىگىن ق ر وقۋ- اعارتۋ مينيسترلىگىنە قاراستى «دارىن» رەسپۋبليكالىق عىلىمي- پراكتيكالىق ورتالىعى وتكىزەدى.
بىلتىرعى وقۋ جىلىندا «دارىن» رەسپۋبليكانىڭ 6362 ءبىلىم ورداسىنىڭ 266 مىڭ وقۋشىسىنا ارنالعان وليمپيادالار ۇيىمداستىردى.
بۇل زياتكەرلىك ويىنداردا جەڭىسكە جەتكەن بالالار ەلىمىزدىڭ ۇلتتىق قۇراماسىنا قابىلدانىپ، كەيىن بەدەلدى حالىقارالىق وليمپيادالاردا قازاقستاننىڭ نامىسىن قورعايدى.
«وليمپيادالاردىڭ باسىم بولىگى رەسپۋبليكالىق جانە جەرگىلىكتى بيۋدجەت ەسەبىنەن وتكىزىلەدى. سونداي- اق ولار بالالار ءۇشىن تەگىن ۇيىمداستىرىلادى. ونىڭ ۇستىنە وليمپياداعا قاتىساتىن بالالاردىڭ سانى جىل سايىن ارتىپ كەلەدى. بىرىنشىدەن، بۇل ءبىلىم سالاسىن تسيفرلاندىرۋدىڭ ارقاسىندا مۇمكىن بولدى. بالالارعا ءبىر جەرگە بارۋدىڭ، قاعاز جانە قۇجاتتاردى باسىپ شىعارۋدىڭ قاجەتى جوق. جارىسقا قاتىسۋ ءۇشىن كومپيۋتەر بولسا جەتكىلىكتى. ەكىنشىدەن، پرەزيدەنتتىڭ تاپسىرماسى بويىنشا بيىلدان باستاپ حالىقارالىق 7 وليمپيادانىڭ جەڭىمپازدارىنا گرانت جانە اقشالاي سىيلىق تۇرىندەگى ماراپاتتار بەرىلەدى. بۇل وقۋشىلارىمىزدى ىنتالاندىراتىنى ءسوزسىز. مىسالى، بيىل قازاقستاندىق وقۋشىلار بىردەن 27 مەدال جەڭىپ الىپ، بىلتىرعى رەكوردتى جاڭارتتى. سونىمەن قاتار وقۋ- اعارتۋ مينيسترلىگى ۆەدومستۆو ۇسىنباعان وليمپيادالارعا قاتىسۋ ماسەلەسىندە مۇقيات بولۋعا شاقىرادى. اشىقتىقتى، اكادەميالىق ادالدىقتى جانە وليمپيادالاردىڭ ساپاسىن قامتاماسىز ەتپەي، اقىلى جارىستار ۇيىمداستىراتىن كاسىپكەرلەر دە بار. اتا- انالار مۇنداي وليمپيادالاردىڭ باستى مىندەتى - بالالار ارقىلى اقشا تابۋ مۇمكىندىگى ەكەنىن ءتۇسىنۋى كەرەك. كەيدە مۇنداي كۇماندى جارىستاردى ۇيىمداستىرۋشىلار ازاماتتاردى جاڭىلىستىرۋ ءۇشىن مينيسترلىكتىڭ لوگوتيپىن بەكىتەدى. ءتىپتى كەيبىرەۋلەرى «دارىن» نەمەسە باسقا دا ۆەدومستۆولىق باعىنىستى ۇيىمداردىڭ اتاۋىن وزدەرىنىڭ زاڭدى تۇلعالارىنىڭ اتاۋىندا پايدالانادى. وسى سەبەپتەن اتا- انالار مەن مۇعالىمدەرگە تولىق تىزىممەن تانىسۋعا كەڭەس بەرەمىز. ءبىز قازىر مۇعالىمدەرگە ارنالعان كونكۋرستاردىڭ، اسىرەسە پاندەر جەتىسپەيتىن جانە ارىپتەستەرىمىزدەن سۇرانىستار بولعان پاندەر بويىنشا ءتىزىمدى كەڭەيتىپ جاتىرمىز»، - دەدى ق ر وقۋ- اعارتۋ مينيسترگى ورتا ءبىلىم كوميتەتىنىڭ ءتوراعاسى گۇلميرا كارىموۆا.
مينيسترلىك بەكىتكەن وليمپيادالاردىڭ تولىق تىزىمىمەن مىنا جەردەن تانىسۋعا بولادى.