ءبىر جاعىنان ادام وزىنەن ۇنەمدەمەۋى كەرەك دەگەن دە پسيحولوگيالىق تۇسىنىك بار. قايسىسى دۇرىس؟
اقشانى جۇمساۋ نەمەسە ۇنەمدەۋ - ماڭگىلىك ديلەمما. كوپشىلىك پسيحولوگيالىق كۋرستار ارقىلى «قازىرگى ساتپەن ءومىر سۇرگىم كەلەدى، ادەمى زاتتار ساتىپ الىپ، مەيرامحانالار مەن كورمەلەرگە بارعىم كەلەدى، شەتەلدە ساياحاتتاۋدى قالايمىن» دەيدى. ەكىنشى جاعىنان كولىك اۋىستىرىپ، جەكە باسپاناعا يە بولۋ ءۇشىن «قاۋىپسىزدىك جاستىعى» بولعانى دۇرىس، سول سەبەپتى ۇنەمدەۋمەن ءومىر سۇرەتىندەر دە تابىلادى. قاي ستراتەگيا دۇرىس ەكەنىن قالاي شەشۋگە بولادى؟
1. ادەتتەردى انىقتاۋ. وتباسىنىڭ اقشاعا دەگەن كوزقاراسى. نەگە مولشىلىقتا ءومىر ءسۇرۋدى قازىردەن باستاماسقا؟ مەن باي بولعاندا قانداي بولامىن؟ بۇل جاعدايدا مەن قانداي ەموتسيالار الامىن؟ وسى سۇراقتارعا جاۋاپ ىزدەڭىز.
2. قورقىنىشتاردى جەڭۋ. ءبىز بۇل ماسەلەدى قورقىنىشپەن كەزدەسەمىز: ۇلكەن اقشا - ۇلكەن جاۋاپكەرشىلىك. ءبىز ودان مۇمكىندىگىنشە قاشۋعا تىرىسامىز، كەيدە بەيسانالىق: «اقشا جوق بولسا، پروبلەما دا جوق!» - دەيدى ىشكى «مەنىمىز». اقشاعا قاتىستى قورقىنىش ارقىلى ءوزىمىزدى سىرتتان باقىلاي وتىرىپ، ءوزىمىزدى جانە اقشامەن قارىم-قاتىناسىمىزدى جاقسىراق ءتۇسىنۋ ءۇشىن نە ىستەي الامىز. سونى ۇعۋ.
3. ماقسات قويىڭىز. سىزگە اقشا نە ءۇشىن، قانداي ماقساتتار ءۇشىن قاجەت؟ ءوز پاتەرىن، قىستا جىلى ەلگە ساياحاتتاۋدى نەمەسە بالالارىنا جەكەمەنشىك مەكتەپتە وقۋدى ارمانداعاندار، ادەتتە، قالاعانىنا جەتۋدىڭ جولدارىن تابادى. قارجىلىق ماقسات ولاردىڭ نەگىزگى قۇندىلىقتارىنا سايكەس كەلەدى: ءوز ۇيىندە، تاۋەلسىز ءومىر ءسۇرۋ... ءسىز قۇندىلىقتارىڭىزدى انىقتاپ، وزىڭىزبەن ۇيلەسىمدى ءومىر سۇرۋگە مۇمكىندىك العاندا، اقشا تەك قۇرالعا اينالادى.