ابزال اجىعاليەۆ شورت- ترەكتەن الەم كۋبوگى كەزەڭىنىڭ كۇمىس جۇلدەگەرى اتاندى

استانا. قازاقپارات - قازاقستاندىق ابزال اجىعاليەۆ شورت- ترەكتەن ا ق ش- تىڭ سولت- لەيك- سيتي قالاسىندا ءوتىپ جاتقان الەم كۋبوگى كەزەڭىندە كۇمىس جۇلدەگەر اتاندى، دەپ حابارلايدى قازاقپارات ءتىلشىسى.

قازاقستاندىق شورت- ترەكشى 500 مەتر قاشىقتىقتا جۇلدەگەرلەر قاتارىنان كورىندى.

ا فينالىندا ابزال اجىعاليەۆ وليمپيادا چەمپيونى، كانادالىق ماكسيم لاۋننان كەيىن مارە سىزىعىن ەكىنشى بولىپ قيدى. تاعى ءبىر وليمپيادا چەمپيونى، كورەيالىق لي دجون سۋ ۇزدىك ۇشتىككە ىلىكتى.

بۇل - بيىلعى الەم كۋبوگىندەگى قازاقستان قۇراماسىنىڭ (باس باپكەرى - ورال شورت- ترەگىنىڭ تۇلەگى نۇربەرگەن جۇماعازيەۆ) ەكىنشى مەدالى. وسىدان ءبىر اپتا بۇرىن كانادانىڭ مونرەال قالاسىندا وتكەن الەم كۋبوگى كەزەڭىندە قازاقستان ەرلەر قۇراماسى 5 مىڭ مەترلىك ەستافەتالىق جارىستا كۇمىس جۇلدەگەر اتانعان ەدى.

سولت- لەيك- سيتيدەگى الەم كۋبوگى كەزەڭى 6-قاراشا كۇنى دە جالعاسادى.

باتىس قازاقستان وبلىسىنان تۇلەپ ۇشقان ا. اجىعاليەۆ 2016 -جىلى وسى سولت- لەيك- سيتيدە 500 مەتر قاشىقتىقتا قازاقستاندىقتار اراسىنان العاش رەت الەم كۋبوگى كەزەڭىنىڭ چەمپيونى اتانعان بولاتىن.

ەسكە سالا كەتەيىك، بۇدان بۇرىن شورت- ترەكتەن الەم كۋبوگى كەزەڭىندە قازاقستاننىڭ كۇمىس جۇلدەگەر اتانعانىن جازعان بولاتىنبىز.