بۇل تۋرالى مينيستر الەۋمەتتىك جەلىدەگى پاراقشاسىندا جازدى، دەپ حابارلايدى قازاقپارات.
«مادەنيەت ۇيىنە 320 ادام جينالدى. تۇرعىندارمەن تىلدەسىپ، سۇراقتارىنا جاۋاپ بەرگەندە ولاردىڭ جاڭا وبلىستىڭ قۇرىلعانىنا وتە ريزا ەكەنىن بايقادىم. ەسەپ بەرۋ كەزدەسۋى ەكى ساعاتقا جۋىق ۋاقىتقا سوزىلدى. جيىندا اتقارىلىپ جاتقان جۇمىستار جايىندا ايتىپ، اۋىل تۇرعىندارىنىڭ سۇراقتارىنا جاۋاپ بەرۋگە كوبىرەك ۋاقىت بولۋگە تىرىستىم. اتا- انالاردى، ارىپتەس مۇعالىمدەردى، مەكتەپ ديرەكتورلارىن الاڭداتقان ماسەلەلەر - مۇعالىمدەردىڭ ساعات جۇكتەمەسى، ديرەكتورلاردىڭ روتاتسياسى، تۇلەكتەردى جۇمىسقا ورنالاستىرۋ، مەكتەپتەردىڭ الەۋەتىن ارتتىرۋ، كوللەدج بىلىمىنە گرانتتاردى ءبولۋ تەتىگى»، - دەپ جازادى اسحات ايماعامبەتوۆ.
ەسەپ بەرۋ كەزدەسۋىنەن كەيىن مينيستر اۋىلداعى كۇرەڭبەل مەكتەبى مەن «اي- سانا» بالاباقشاسىندا بولعان.
«900 ورىنعا ەسەپتەلگەن مەكتەپتە 875 بالا وقىپ جاتىر. ءبىرىنشى كەزەكتە قاۋىپسىزدىك جۇمىسىنىڭ قالاي ۇيىمداستىرىلعانىن، بەينەباقىلاۋ كامەرالارىنىڭ جانە «دابىل تۇيمەلەرىنىڭ» جۇمىسىن، ت. ب. كوردىم. دابىل تۇيمەسىن باسقاننان كەيىن مەكتەپكە جەدەل جەتكەن پوليتسيا قىزمەتكەرلەرىن مازالاۋعا تۋرا كەلدى، ءبىراق وقۋشىلاردىڭ قاۋىپسىزدىگى وتە ماڭىزدى»، - دەيدى مينيستر.
بالاباقشاداعى كەزدەسۋدە تاربيەشىلەر مەكتەپتەردەگى پەداگوگ- اسسيستەنت لاۋازىمى سياقتى تاربيەشى- اسسيستەنت قىزمەتىن ەنگىزۋ مۇمكىندىگى جايلى سۇراعان. ۆەدومستۆو باسشىسىنىڭ ايتۋىنشا، بۇل ماسەلە شەشىلىپ جاتىر.