شىنىمەن قازىر نيۋ- يوركتە قازاقي ناقىشتاعى بىرنەشە مەيرامحانا جۇمىس ىستەپ تۇر. ول مۇحيتتىڭ ار جاعىنداعى وتانداستارىمىز ەلدىڭ ءدامىن ساعىنعاندا باراتىن جەر عانا ەمەس، امەريكالىقتاردىڭ دا سۇيىكتى ورىنىنا اينالعان. فاريدا عابباسوۆا وسىدان ءتورت جىل بۇرىن باۋىرىمەن «اعايىندىلار» دەگەن شاعىن ءدامحانا بيزنەسىن باستايدى. كەيىن كاسىبى كەڭەيىپ، نيۋ- يوركتەگى ەڭ باي اۋدان سانالاتىن مانحەتتاندا قازاقى ناقىشتاعى ەكى مەيرامحانا اشقان. مۇندا تۇسكى جانە كەشكى ۋاقىتتاردا امەريكالىقتار ءجيى كەلەدى. ولارعا ءبىزدىڭ قوناقجايلىق پەن ۇلتتىق تاعامدار ۇنايدى.
فاريدا عابباسوۆا، كاسىپكەر:
- ولارعا ەشقانداي قوسپاسى جوق، ۇيدەگىدەي دايىندالعان، ەرەكشە تابيعي تاماقتىڭ ءدامى ۇنايدى. قازاقتىڭ ۇلتتىق تاعامدارىنا عانا ءتان ءدامىن ساقتاۋ ءۇشىن كەيبىر قوسپالار مەن مايلاردى قازاقستاننان الدىرادى ەكەن. ال امەريكالىقتار جىلقى جەمەيتىندىكتەن سيىر ەتىنەن شۇجىق جاسايدى.
فاريدا عابباسوۆا، كاسىپكەر:
- امەريكادا جىلقى ەتىنە تىيىم سالىنعان. ءبىز دە وعان جاۋاپكەرشىلىكپەن قارايمىز. سوندىقتان قازىنىڭ ورىنىنا سيىر ەتىنەن بارىنشا ۇقساتىپ جاساۋعا تۋرا كەلەدى.
وسىلايشا ايگىلى ۋولل- ستريتتىڭ ماڭىندا قازاقستاندىقتار اشقان كاسىپ وركەندەپ كەلەدى. ەڭ باستىسى تالماي ەڭبەك ەتۋ كەرەك دەيدى. مەگوپوليستىڭ دامۋىنا ات سالىسىپ جاتقان جەرلەستەرىمىز تۋرالى نيۋ- يورك مەرى ەريك ادامس تا ادامدىعىن ايتتى. رەسپۋبليكا كۇنىندە ءبىزدىڭ بايراقتى كوتەرىپ قۇتتىقتاعان قالا مەرى بىلاي دەدى.
ەريك ادامس، نيۋ-يورك قالاسىنىڭ مەرى:
- قالامىزداعى قازاق قاۋىمداستىعى رۋحاني باي، بيزنەستى دامىتىپ جاتقان، ءبىلىمنىڭ ماڭىزدىلىعىن تۇسىنەتىن، ىنتىماقتاستىقتىڭ كۇشىنە سەنەتىن ازاماتتار. قازاقستان عانا ەمەس، ورتالىق ازيا ەلدەرىنىڭ اس- سۋىن ۇسىناتىن مەيرامحانادا قازىر 30 ادام جۇمىس ىستەيدى.
الەمنىڭ قاي بۇرىشىنا بارساڭ دا كەزىگەتىن تۇرىك اسحاناسى سياقتى، ءبىزدىڭ دە ۇلتتىق تاعامداردى ا ق ش- تىڭ وزگە شتاتتارىندا تاتىپ كورۋگە بولادى. كاسىپكەر تەحاس، فلوريدا جانە كاليفورنيانى كوزدەپ وتىر.