دەرەك كوكسۋ اۋدانىندا تىركەلدى. 2-قاراشا كۇنى كەشكى ۋاقىتتا ماقانشى اۋىلىنان 45 جاستاعى ەر ادام وق جاراقاتىمەن اۋرۋحاناعا جاتقىزىلدى.
تەرگەۋ بارىسىندا جابىرلەنۋشىنى تالدىقورعان قالاسىنان قوناققا كەلگەن جاقىن تانىسى مىلتىقپەن جارالاعانى بەلگىلى بولدى.
- ەر ادامدار اڭ اۋلاۋعا شىعۋدى جوسپارلاعانى الدىن الا انىقتالدى. ىشىمدىك ءىشۋ كەزىندە ولاردىڭ اراسىندا جانجال تۋىنداعان. سونىڭ سالدارىنان قوناق اڭشى مىلتىعىمەن ءۇي يەسىنىڭ اياعىنان اتقان. قازىر دەنساۋلىققا قاساقانا اۋىر زيان كەلتىرۋ دەرەگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىگە تىركەلگەن 12 كاليبرلى ي ج مىلتىعى تاركىلەنىپ، قىلمىستىق ءىس ماتەريالدارىنا زاتتاي دالەل رەتىندە تىگىلدى، - دەپ حابارلادى كوكسۋ اۋداندىق پوليتسياسى.
تەرگەۋ بارىسىندا ۇستالعان كۇدىكتىگە قاتىستى كەلۋگە مىندەتتى پروتسەسسۋالدىق ماجبۇرلەۋ شاراسى تاڭدالدى.