قازاقستان تەننيس فەدەراتسياسىنان ءمالىم ەتكەندەي، 17 جاسار ا. ساعىندىقوۆا جەكەلەي سىندا العاش رەت ەرەسەكتەر اراسىنداعى جارىستىڭ شيرەك فينالىنا شىعىپ وتىر.
ارۋجان ەكىنشى اينالىمدا شۆەتسيالىق يۋليا لوكۆيستتى بەت قاراتپاي ۇتتى - 6:3، 6:1.
ا. ساعىندىقوۆا جارتىلاي فينالعا شىعۋ ءۇشىن ەرتەڭ سەربيالىق ناتاليا سەنيچ نەمەسە جاپونيالىق كوحارۋ نييميدىڭ بىرەۋىمەن تالاسادى.
تاعى ءبىر قازاقستاندىق جانەل رۇستەموۆا ەكىنشى اينالىمدا جارىستىڭ 5-راكەتكاسى، رەسەيلىك اننا ۋرەكەمەن كەزدەستى. ءبىرىنشى پارتيادا رەسەيلىك سپورتشى باسىمدىلىق تانىتتى - 7:5. ەكىنشىسىندە جانەل ەسە قايىردى - 6:4. شەشۋشى، ءۇشىنشى سەتتە قازاقستاندىق تەننيسشى 0:4 ەسەبىمەن ۇتىلىپ جاتىپ، قاتارىنان ءۇش گەيم الدى. الايدا، ودان ارىگە شاماسى جەتپەدى - 3:6.
دەگەنمەن، ج. رۇستەموۆا جۇپتىق سىندا جارىستى جالعاستىرادى. ول ساندۋعاش كەنجەبايەۆامەن بىرگە شيرەك فينالدا تۋنيستىك ءال زەينەب - رەسەيلىك ماريا سويەۆامەن شەبەرلىك بايقاسادى.
ەسكە سالا كەتەيىك، بۇدان بۇرىن قازاقستاندىق جاس تەننيسشىلەردىڭ تۇركياداعى تۋرنيردىڭ ەكىنشى اينالىمىنا شىققانىن جازعان بولاتىنبىز.