ونىڭ تولىق اتاۋى: 46-گۆارديالىق تامان قىزىلتۋلى سۋۆوروۆ وردەنى 3-دارەجەلى تۇنگى بومبالايتىن اۆياتسيالىق پولكى.
نەمىستەر قىزداردى قىسقاشا: «تۇنگى مىستاندار» - دەپ اتايتىن. اڭىزعا اينالعان ۇشقىش ايەلدەردىڭ ءبىرى - قازاق قىزى حيۋاز دوسپانوۆا. ول ءبىرىنشى قازاق ۇشقىش ايەلى رەتىندە تاريحتان ورىن الدى.
حيۋاز قايىر قىزى دوسپانوۆا 1922-جىلى قۇرمانعازى اۋدانىنداعى زورماتا اۋىلدىق كەڭەسىندە دۇنيەگە كەلگەن. ونىڭ تۋعان ءتولقۇجاتىندا وسىلاي جازىلعان. ناقتى دەرەك - وسى كەڭەسكە قارايتىن «كرۋگلىي» دەگەن قونىستا تۋعان عوي.
ول جايىندا كەيىن كەڭىرەك ماعۇلمات بەرەمىن. قازاقتان شىققان العاشقى ۇشقىش جاۋىنگەر قىز
جايىندا 1940-1950-جىلداردا بۇكىل كەڭەستەر وداعى كولەمىندە (س س س ر مەملەكەتى اتالعان دەرجاۆا) ءتۇرلى باسىلىمداردا وتە كوپ جازىلعانىن كوردىك، وقىدىق.
داڭقتى جەرلەسىمىزدىڭ 1960، 1963-جىلداردا ورىس تىلىندە «پود كومانداۆانيەم راسكوۆوي»، قازاق تىلىندە «حالقىم ءۇشىن» دەگەن ءوزىنىڭ جازعان كىتاپتارى جارىق كورگەنىن بىلەمىز. اكەسى قايىر دوسپانوۆ مارقۇم پارتيا قىزمەتىنە ەرتە ارالاسىپ، ورال قالاسىنا قونىس اۋدارۋىنا وراي حيۋاز تۋعان اۋىلدان تىم ءبۇلدىرشىن كەزىندە كەتتى. سوندىقتان ونىڭ وقىعان مەكتەبىن، وسكەن ورتاسىن بۇل اۋداننان تابا المايتىنىمىز راس. سوعىستان كەيىن حيۋاز اپامىز تۋعان جەرگە وقتا-تەكتە سوعىپ كەتكەنىن كوردىك. ول كەزدە 1950-جىلداردا اكەسى قايىر اقساقال وسىنداعى «كومينتەرن» كولحوزىندا باسقارما ءتوراعاسى بولاتىن. حيۋاز الماتىدا پارتيا، كومسومول جۇمىستارىندا بولدى، وقتا-تەكتە ورايى كەلگەندە اكەگە سالەم بەرىپ كەتەتىنىن اقساقالداردىڭ ايتقاندارىنان ەستيتىنبىز. قالاي دەسەك تە كىندىك قانى تامعان كيەلى زورماتا توپىراعىنىڭ رۋحى ۇستەم بولارى قاق. وسى وڭىردە دۇنيەگە كەلگەن ماحامبەت پەن قۇرمانعازىعا، دينا مەن حيۋازعا كيەلى قونىستىڭ ءبىر ۋىس توپىراعى بۇيىرمادى. ءبىراق ولاردىڭ الدىڭعىلارىنىڭ بارلىعىنىڭ ەسىمدەرى حالقىمەن ماڭگى بىرگە جاساپ كەلەدى، ال حيۋاز اپاي قالاي بولار ەكەن؟
باتىس وڭىردەن شىققان قازاقتىڭ باتىر قىزدارى ەكەۋ ەمەس، ەندى ۇشەۋ بولدى دەدىك قوي جوعارىدا. مانشۇك - ورالدا، ءاليا - اقتوبەدە ماڭگىلىك ورىندارىن تاپتى.
دەرەككوز: «قاھارمان حيۋاز» كىتابىنان