«توتەنشە جاعدايلار مينيسترلىگىندە «ارسەلوردىڭ» («ارسەلورميتتال تەمىرتاۋ») ءبىرىنشى باسشىسى ەمتيحان تاپسىرۋعا مىندەتتى. مىنا جايتتان كەيىن ودان ەمتيحان الۋدىڭ قاجەتى جوق. سوندا ول ەرتەڭ جۇمىس ىستەمەيتىن بولادى. بۇعان قوسا، قىلمىستىق جانە وزگە دە جاۋاپكەرشىلىك بار. مۇنان وزگە جولدى كورىپ تۇرعانىم جوق. شىندىعىندا، بۇل باسشىلىقتىڭ جاۋاپكەرشىلىگى»، - دەدى ول «حابار 24» تەلەارناسىنىڭ تىكەلەي ەفيرىندە.
سونىمەن قاتار دەپۋتات ەڭبەك قاۋىپسىزدىگىنە جاعداي جاساۋ بارىسىن قارجىلاندىرۋ جانە ينۆەستيتسيالاۋ ماسەلەسى دە پروبلەمالى ەكەنىن باسا ايتتى.
«ءار ۋاقىتتا جاڭعىرتۋعا 3 ميلليارد دوللار سالىناتىنىن ايتادى. سودان سوڭ ۇزىلىستەن كەيىن 10 جىلعا دەيدى. دەمەك، جىلىنا 300 ميلليون دوللاردان بولعانى ما؟ ءبىراق، بۇل ونسىز دا جوسپارلى، ولار جۇزەگە اسىرۋعا ءتيىس سالىم عوي»، - دەدى ءماجىلىس دەپۋتاتى.
ونىڭ اتاپ وتۋىنشە، بەلگىلى ءبىر كەزەڭدە زاڭنامادان ءوندىرىس سالدارىنان ادام قازا تاباتىن بولسا، وندا جۇمىس بەرۋشى 10 جىلدىق جالاقىنى تولەۋى تيىستىگى تۋرالى نورما زاڭنامادان الىنىپ تاستالعان.
«بۇگىندە «ارسەلور» مۇنى سولاي جاسايدى. الايدا، 10 جىلدىق جالاقى از. ەگەر ءبىز ادام ءومىرىن وسىنداي ارسىزدىقپەن باعالاساق، وندا ولار ءۇشىن ادام ءولىمى ەكونوميكالىق تۇرعىدا ءتيىمسىز بولاتىنداي جاساۋىمىز كەرەك»، - دەدى ول.
البەرت راۋ قايعىلى جايتقا «ارسەلورميتتال تەمىرتاۋ» ا ق وندىرىسىندە ادام ولىمىنە جول بەرىلمەيتىنى تۋرالى ۇنەمى ۋادە الىپ كەلگەن قازاقستان ۇكىمەتىنىڭ دە بەلگىلى ءبىر دەڭگەيدە كىناسى بار ەكەنىن العا تارتادى.
«ءبىز ولاردىڭ جەتەگىنە ەرىپ وتىرعانىمىز جوق. دەگەنمەن، ولارعا سەنىپ، ەكولوگيانى جاقسارتامىز دەگەن ۋادەسىن الامىز. ءار ۋاقىتتا كارتا جازىلادى. ال قالادا، كومبيناتتا دەمالاتىن اۋا جوق. ەرتەڭ بولادى دەۋ ءبىرىنشى مارتە وسىلاي جىلدارعا سوزىلىپ وتىرعان جوق»، - دەدى البەرت راۋ.
ەستەرىڭىزگە سالا كەتەيىك، بۇگىن تۇندە «ارسەلورميتتال تەمىرتاۋ» ا ق كومىر دەپارتامەنتىنىڭ لەنين اتىنداعى شاحتاسىندا اپات بولىپ، سالدارىنان 5 كەنشى قازا تاپتى.
ت ج فاكتىسى بويىنشا ق ر ق ك 277-بابىنىڭ 3-بولىگى بويىنشا قىلمىستىق ءىس قوزعالدى.
قاراعاندى وبلىسىنىڭ اكىمدىگى لەنين اتىنداعى شاحتادا قازا بولعانداردىڭ ءتىزىمىن جاريالادى.