«مەن الماتى قالاسىندا ورنالاسقان فيزيكا-ماتەماتيكا باعىتىنداعى نازاربايەۆ زياتكەرلىك مەكتەبىنىڭ وقۋشىسىمىن. مەنىڭ سىزگە ۇسىنىسىم بار. قالامىزدا، اتاپ ايتقاندا المالى اۋدانىندا جاڭبىر جاۋعان كەزدە شالشىقتار پايدا بولادى جانە سۋ باسۋ ماسەلەسى تۋىندايدى. مەن «جاسىل درەناج» جوباسىن ازىرلەدىم. بۇل قۇدىق، ونىڭ ىشىندە باتپاقتى وسىمدىك جانە توپىراق بولادى. ول جەرگە جاڭبىر سۋى اعادى، وسىمدىكتەر ارقىلى سۇزىلەدى، ولار ارنايى وسى ءۇشىن جاسالعان. سۋ وسى جەرگە ءسىڭىپ كەتەدى. بۇل جوبانى فيلادەلفيا مەن باسقا دا كوپتەگەن قالالارداعى زەرتتەۋلەردى نەگىزگە الىپ جاسادىم. وندا جوبا ءساتتى جۇمىس ىستەدى، ونى الماتى جاعدايىنا ساي تۇزەتتىم. مەنىمەن بىرگە پيلوتتىق جوبا جاساۋلارىڭىزدى سۇرايمىن»، - دەدى وقۋشى تۇرعىندارمەن كەزدەسۋگە كەلگەن اكىمگە.
وسىعان وراي، ەربولات دوسايەۆ المالى اۋدانىنىڭ اكىمى مەن ەكولوگيا جانە قورشاعان ورتانى قورعاۋ باسقارماسىنا تاپسىرما بەردى.
«پيلوتتىق رەجيمدە قولدانىپ كورەيىك، نەگە بولماسقا؟» - دەدى ەربولات دوسايەۆ.