«قولدانىستاعى زاڭعا سايكەس مەملەكتتىك قىزمەتكە جانە قۇقىق قورعاۋ قىزمەتىنە ونداي ادامدار جۇمىسقا الىنبايدى. ولاردىڭ سوتتىلىعى تۋرالى انىقتاماسىندا «راقىمشىلىق شاراسى قولدانىلعان» دەگەن جازۋ تۇرادى»، - دەگەن باس پروكۋوردىڭ ورىنباسارى راقىمشىلىققا ءىلىنۋ مەن اقتالىپ شىعۋ ەكى بولەك ۇعىم ەكەنىن ەسكە سالدى.
«راقىمشىلىق جاساعان ادامدار اقتالعان دەپ سانالمايدى. بۇل اقتاۋعا نەگىز بولمايدى. سوندىقتان راقىمشىلىققا بايلانىستى جازادان بوساتىلعان ادامدار ءۇشىن زاڭنامادا بەلگىلى ءبىر شەكتەۋلەر بار. اتاپ ايتقاندا، مەملەكەتتىك قىزمەت جانە قۇقىق قورعاۋ قىزمەتى تۋرالى زاڭنامادا راقىمشىلىق جاساۋ اكتىسى قولدانىلعان ادامدار مەملەكەتتىك قىزمەتكە، قۇقىق قورعاۋ قىزمەتىنە كىرە المايدى دەپ كورسەتىلگەن. ءبىراق بۇل شەكتەۋلەردىڭ راقىمشىلىققا ىلىنگەندەردىڭ تۋىستارىنا ەشقانداي قاتىسى جوق»، - دەدى اسەت شىنداليەۆ.