«ارسەلورميتتال تەمىرتاۋ» ا ق كومىر دەپارتامەنتىنىڭ ديرەكتورى ارمان قالىقوۆ لەنين ا تىنداعى شاحتادا بولعان اپاتتىڭ سەبەبىن ءمالىم ەتتى.
«ءۇشىنشى قاراشا كۇنى ساعات 03.03 تە لەنين اتىنداعى شاحتادا گازدى درەناجدى ۇڭعىمالاردى بۇرعىلاۋ كەزىندە مەتان گازى كەنەتتەن تاراپ كەتتى. اپات كەزىندە شاحتادا جەر استىندا 106 ادام بولعان. ونىڭ 101 ى ەۆاكۋاتسيالاندى. 5 ادام قايتىس بولدى، قازىرگى ۋاقىتتا ءتورت ادام اۋرۋحانادا جاتىر. قازىر اۆاريالىق-قۇتقارۋ جۇمىستارى جۇرگىزىلۋدە. ءبىز قازا تاپقانداردىڭ وتباسىلارىنا، كەنشىلەرىمىزدىڭ ارىپتەستەرىنە كوڭىل ايتامىز. قازا تاپقانداردىڭ، زارداپ شەككەن شاحتەرلەردىڭ وتباسىلارىنا بارلىق قاجەتتى كومەك كورسەتىلەدى»، - دەدى «ارسەلورميتتال تەمىرتاۋ» ا ق كومىر دەپارتامەنتىنىڭ ديرەكتورى ارمان قالىقوۆ.
قازىرگى ۋاقىتتا جەدەل شتاب كەڭەس وتكىزۋدە. بولعان جاعدايدىڭ سەبەپتەرى مەن ءمان-جايلارىن انىقتاۋ ءۇشىن ۇكىمەتتىك كوميسسيا قۇرىلدى.
ەستەرىڭىزگە سالا كەتەيىك، «ارسەلورميتتال تەمىرتاۋ» ا ق كومىر دەپارتامەنتىنىڭ لەنين اتىنداعى شاحتاسىندا 3-قاراشاعا قاراعان ءتۇنى قايعىلى وقيعا ورىن الىپ، سالدارىنان 5 كەنشى قازا تاپتى.