«بيىل 28-قىركۇيەكتە بۇۇ باس اسسامبلەياسىندا ەلەكتروندى ۇكىمەتتى دامىتۋ يندەكسى بويىنشا 2022 -جىلدىڭ قورىتىندىسى جاريالاندى. جۇرگىزىلگەن رەيتينگكە سايكەس الەم ەلدەرىندە سيفرلى جانە ەلەكتروندى ۇكىمەت قىزمەتى سالاسىندا ىلگەرىلەۋ بار. وڭ وزگەرىس قازاقستانعا دا قاتىستى. قازاقستان يندەكستىڭ ءتورت كلاستەرى بويىنشا ەڭ جوعارى پوزيتسيادا تۇر. سونىمەن قاتار ەلەكتروندى ۇكىمەتتى دامىتۋدا كوشباسشى ەلدەردىڭ ءبىرى. قازاقستاندى «very high» جانە «very, very high» دەڭگەيىنە جاقىن دەۋگە بولادى. ودان بولەك، ەلەكتروندى ۇكىمەتتىڭ ونلاين سەرۆيس يندەكسى بويىنشا دا ءسىزدىڭ ەلىڭىز ەڭ جوعارى بالل الدى. قازاقستاننىڭ ونلاين قىزمەتتەر سەرۆيسىن دامىتۋ يندەكسى بويىنشا ۇزدىك تاجىريبەسى بار»، - دەدى بىرىككەن ۇلتتار ۇيىمىنىڭ سيفرلىق ۇكىمەت، ەكونوميكالىق جانە الەۋمەتتىك ماسەلەلەر جونىندەگى دەپارتامەنتىنىڭ باسشىسى ۆينچەنتسو اكۆاريو ەلوردادا وتكەن جيىندا.
دەگەنمەن ب ۇ ۇ وكىلىنىڭ ايتۋىنشا، اتالعان سالا بويىنشا دامىتۋدى قاجەت ەتەتىن تۇستار دا بارشىلىق.
«قازاقستاننىڭ ۇزدىك ەلدەر قاتارىنا قوسىلۋىن تەجەيتىن جالعىز نارسە - تەلەكوممۋنيكاتسيا ينفراقۇرىلىمىنىڭ كورسەتكىشتەرى»، - دەيدى ول.
ۆەدومستۆو تۇسىندىرگەندەي، تەلەكوممۋنيكاتسيا ينفراقۇرىلىمى كەڭجولاقتى بايلانىستى بىلدىرەدى.
سونداي- اق، سيفرلىق دامۋ مينيسترلىگىنەن ب ۇ ۇ باعالاۋى - ەلەكتروندى ۇكىمەتتىڭ دامۋ يندەكسى بويىنشا جۇرگىزىلەتىن ەڭ بەدەلدى رەيتينگ ەكەندىگى ايتىلدى.
رەيتينگ شەڭبەرىندە ب ۇ ۇ- عا قاتىسۋشى 193 ەل باعالانادى.