مۇلدە كۇتپەگەن بوكسشى. گولوۆكيننىڭ كەلەسى قارسىلاسى بەلگىلى

استانا. قازاقپارات - اۋستراليالىق بوكسشى مايكل زەرافا (30-4، 19 ك و) قازاقستاندىق گەننادي گولوۆكينمەن (42-2-1، 37 ك و) جەكپە-جەك وتكىزۋى مۇمكىن، دەپ حابارلايدى Vesti.kz.

زەرافانىڭ Fox Sports Australia ارناسىنا بەرگەن سۇحباتىندا ايتقانى بويىنشا، ول جانە گولوۆكين ورتا سالماقتاعى چەمپيوندىق بەلبەۋلەر ءۇشىن ناۋرىز ايىندا اۋستراليادا ايقاسۋ تۋرالى اۋىزشا كەلىسىمگە كەلىپتى.

سونىمەن بىرگە، 30 جاستاعى زەرافا 40 جاستاعى GGG- ءدى جەڭەتىن بولسا، وتانداسى تيم تسزيۋمەن ايقاس تالاپ ەتەتىنىن ايتىپتى.

مۇنىڭ الدىندا گولوۆكين IBF بەلبەۋىنە مىندەتتى ۇمىتكەر برازيليالىق ەسكيۆا فالكاومەن (30-0، 20 ك و) قازاقستاندا جەكپە-جەك وتكىزەتىنى ايتىلعان بولاتىن.

ال ساراپشىلار GGG گە بەلبەۋلەردەن باس تارتىپ اقشالى ايقاس وتكىزۋگە كەڭەس بەرگەن ەدى.