«ازاماتتاردىڭ ءومىرى مەن قاۋىپسىزدىگىنە جاۋاپتى سەۋل مەرى رەتىندە، مەن اپات ءۇشىن شەكسىز جاۋاپكەرشىلىكتى سەزىنەمىن جانە كەشىرىم سۇرايمىن. سەۋل قالاسىنىڭ اكىمشىلىگى جەرلەۋ ءراسىمى اياقتالمايىنشا جانە وسى اپات سالدارىنان قازا تاپقانداردىڭ وتباسىلارى، جاراقاتتانعاندار مەن قايعىعا دۋشار بولعان بارلىق ازاماتتار كۇندەلىكتى ومىرلەرىنە ورالعانشا، ءوزىنىڭ اكىمشىلىك بيلىگىن جۇمىلدىرۋعا بارىنشا كۇش- جىگەر سالادى»، - دەدى مەر قالالىق كەڭسەدە وتكەن باسپا ءسوز ءماسليحاتىندا.
ايتا كەتسەك، جەرگىلىكتى ب ا ق- تا قالا اكىمشىلىگى مەن پوليتسيانىڭ يتحەۆونداعى جاعدايدى باقىلاي الماعانى تۋرالى ماسەلە قىزۋ كوتەرىلىپ جاتىر. كەيبىر سىنشىلاردىڭ پىكىرىنشە، سەۋل قالاسىنىڭ اكىمشىلىگى، ەنسان اۋداندىق كەڭسەسى جانە پوليتسيا حەللوۋين مەرەكەسىندە 100 مىڭنان استام حالىق جينالۋى مۇمكىندىگىن ەسكەرىپ، جازاتايىم وقيعالاردىڭ الدىن الۋ شارالارىن قابىلداۋى ءتيىس ەدى.
بۇگىن پوليسيانىڭ ارنايى تەرگەۋ توبى سەۋل قالالىق پوليسيا باسقارماسى، ەنسان پوليسيا ءبولىمى جانە تاعى التى كەڭسەدە پوليتسيانىڭ يتحەۆونداعى ادامداردىڭ ولىمىنە اكەلگەن ارەكەتسىزدىگىن تەرگەۋ اياسىندا رەيد جۇرگىزدى. بۇعان دەيىن ۇلتتىق پوليتسيا باسقارماسى قايعىلى وقيعادان 4 ساعات بۇرىن يتحەۆوندا ادامدار تىم كوپ جينالىپ جاتقانى تۋرالى 11 جەدەل شاقىرتۋ تۇسكەنىن، ءبىراق ەش ارەكەت جاسالماعانىن مويىنداعان ەدى.
ەسكە سالساق، وڭتۇستىك كورەيا استاناسىندا حەللوۋين مەرەكەسىن تويلاۋ كەزىندە كەمىندە 151 ادام مەرت بولعانى حابارلاندى، ونىڭ 19 ى شەتەلدىك.
ق ر سىرتقى ىستەر مينيسترلىگىنەن ءمالىم ەتكەندەي، قازا تاپقاندار اراسىندا ءبىر وتانداسىمىز بولدى. اقتوبە وبلىسىنىڭ تۋماسى، 1996 -جىلعى قازاقستاندىق كورەياداعى جوعارى وقۋ ورىندارىنىڭ بىرىندە وقىپ جۇرگەن.