قازاقستاندىق ساربازدار گىر سپورتىنان الەم بىرىنشىلىگىندە التى التىن مەدال ولجالادى
بۇل تۋرالى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
اۋە قورعانىسى كۇشتەرىنىڭ ەكى اسكەري قىزمەتشىسى جەڭىس تۇعىرىنان كورىندى. مايور ءادىلحان نۇرعازين 85 كەلىدەن جوعارى سالماقتا جۇلقي، سەرپە كوتەرۋدەن جانە كوماندالىق ەستافەتادا 3 «التىن»، سونداي-اق ۇزاق سيكل بويىنشا گىر كوتەرۋدە قولا مەدال جەڭىپ الدى.
مەرزىمدى قىزمەتتەگى سارباز قاتارداعى جاۋىنگەر ەربول دايىرباي 95 كەلىدەن جوعارى سالماقتا گىر تاسىن جۇلقي جانە سەرپە كوتەرۋدەن ەكى التىن مەدال ەنشىلەدى.
95 كەلىدەن جوعارى سالماق دارەجەسىندە تاعى ءبىر جوعارى ماراپات «شىعىس» وڭىرلىك قولباسشىلىعىنىڭ اسكەري قىزمەتشىسى 3-سىنىپتى سەرجانت سۇڭقار قۋانىشقا بۇيىردى.
بۇعان دەيىن الەم بىرىنشىلىگىنىڭ العاشقى ءتورت جارىس كۇنىندە قورعانىس مينيسترلىگى ورتالىق سپورت كلۋبىنىڭ وكىلدەرى ۇزدىكتەر ساپىنان كورىنىپ، 6 التىن، 2 كۇمىس جانە 1 قولا مەدال العانى ايتىلعان بولاتىن.