مينيسترلىك مەكتەپ فورماسىنا تاعى دا وزگەرىس ەنگىزبەك
مينيسترلىكتىڭ ۇسىنىسى بويىنشا ەندى ۇلدارعا كۇندەلىكتى جەيدە، تۇيمەلەرى بار نەمەسە توقىلعان كۇرتە، كارديگان، پولو جەيدە جانە تەننيسكا كيۋگە بولادى. ال قىس مەزگىلىندە تريكوتاج جيلەت پەن ۆودولازكاعا رۇقسات ەتىلەدى. قىزدارعا دا وسى تالاپ قويىلادى. دەگەنمەن قىس مەزگىلىندە ولارعا تريكوتاج جيلەت، ۆودولازكادان بولەك، سارافان كيۋ ۇسىنىلادى.
«بۇل ۋاقىتقا دەيىن بولعان مەرەكەدە ۇلداردىڭ كۇندەلىكتى فورماعا قوسىمشا اق جەيدە، قىزداردىڭ اق ءتۇستى بلۋزكا كيۋى تۋرالى نورما الىنىپ تاستالادى. سونىمەن قاتار، مەكتەپ فورماسىنىڭ نەگىزگى تۇسىنە سايكەس كەلەتىن گالستۋك تىگۋ تالابى دا الىنىپ تاستالادى»، - دەپ كورسەتىلگەن بۇيرىقتا.
قۇجاتتا جازىلعانداي، ءبىلىم باسقارمالارى اتا-انالارعا مەكتەپ فورماسىن وتاندىق وندىرۋشىلەردەن ساتىپ الۋدى ۇسىنادى. دەسەك تە بۇل ورايدا جەكەلەگەن وندىرۋشىلەرىنە ارتىقشىلىق بەرۋگە بولمايدى. جاڭا وزگەرىسكە اتا- انالاردىڭ ءوندىرۋشىنى تاڭداۋدا جانە مەكتەپ فورماسىن ساتىپ الۋدا تاۋەلسىز ەكەنىن ايقىندايتىن رەداكسيا ەنگىزىلگەن.
بۇيرىققا سايكەس، مەكتەپ فورماسى تۋرالى ماسەلەلەردى تالقىلاۋعا بالالاردىڭ اتا-انالارى جانە وزگە دە زاڭدى وكىلدەرى مەن مەكتەپ تاراپىنان جاۋاپتى تۇلعالار قاتىسىپ، شەشىم قابىلدايدى.
قۇجات 15-قاراشاعا دەيىن اشىق تالقىلاۋعا شىعارىلعان.