سونداي- اق مەكتەپ پەن كوللەدج تۇلەكتەرىنە QR- كودى بار ءداستۇرلى قاعاز تۇرىندەگى سەرتيفيكات پەن ديپلومدار قولجەتىمدى، دەپ حابارلايدى قازاقپارات.
ق ر وقۋ- اعارتۋ مينيسترلىگىنىڭ باسپا ءسوز قىزمەتىنىڭ تۇسىندىرۋىنشە، تۇلەكتەر وقۋعا ءتۇسۋ، جۇمىسقا ورنالاسۋ كەزىندە ولاردى ۇسىنۋ جەڭىلدەي ءتۇسۋ ءۇشىن قۇجاتتار سيفرلى نۇسقادا ۇسىنىلادى.
سيفرلى قۇجاتتار ۇلتتىق ءبىلىم بەرۋ دەرەكتەر بازاسىنا ورنالاستىرىلادى. QR كود قۇجاتتاردىڭ قاعاز نۇسقاسىندا دا بولادى.
QR- كود سەرتيفيكاتتىڭ نەمەسە ديپلومنىڭ ءتۇپنۇسقالىعىن تەكسەرۋگە مۇمكىندىك بەرەدى.
ول قۇجاتتىڭ يەسى مەن دەرەكتەر تۋرالى اقپارات كورسەتىلەتىن مەملەكەتتىك ينتەرنەت- رەسۋرسقا سىلتەمە بەرەدى.
مۇنداي تاجىريبە جوعارى وقۋ ورنىن بىتىرگەنى تۋرالى ديپلوم بەرۋ كەزىندە قولدانىلادى.
«وقۋ- اعارتۋ مينيسترلىگى ازاماتتارعا ىڭعايلى بولۋ ءۇشىن سيفرلى شەشىمدەرگە كوڭىل ءبولىپ وتىر. ءبىزدىڭ مىندەتىمىز - اشىقتىقتى قامتاماسىز ەتۋ، ازاماتتاردىڭ ۋاقىتىن ۇنەمدەۋ. سوندىقتان ءبىز مەكتەپتى نەمەسە كوللەدجدى بىتىرگەنى تۋرالى قۇجاتتاردى بەرۋ پروتسەسىن دە اۆتوماتتاندىرامىز. ەندى تۇلەككە وزىمەن بىرگە ورتا ءبىلىم تۋرالى اتتەستاتى مەن ديپلومىن الىپ ءجۇرۋدىڭ قاجەتى جوق. ونىڭ بارلىعى Egov-تا، سونىڭ ىشىندە بانكتەردىڭ ءموبيلدى قوسىمشالارىندا تسيفرلى فورماتتا قولجەتىمدى بولادى. ءبىراق قۇجاتتى بەرۋدىڭ قاعاز فورماتىن ەشكىم الىپ تاستاعان جوق، مىسالى، جەكە كۋالىك، ءقازىر كۋالىكتى وزىڭىزبەن بىرگە الىپ ءجۇرۋدىڭ قاجەتى جوق، ءبىراق ەلەكتروندى نۇسقاسىن ءموبيلدى قوسىمشادا پايدالانۋعا بولادى»، - دەدى وقۋ- اعارتۋ ۆيتسە- ءمينيسترى ايبات ءىلياسوۆ.