جيىن بارىسىندا اكىمدىكتەر مەن «قازاۆتوجول» ۇ ك وكىلدەرى الداعى ۋاقىتتا بيتۋم تاپشىلىعى مەن جول- قۇرىلىسى جۇمىستارىنىڭ توقتاۋى تاعى دا قايتالانۋى مۇمكىن ەكەندىگىن جەتكىزدى. بۇعان باستى سەبەپ - مەردىگەرلەردىڭ بيتۋمدى ساقتايتىن جەرى جوق بولعاندىقتان، الدىن الا ساتىپ الا المايدى. سوندىقتان ولار دايىن اسفالت ساتىپ الۋعا ءماجبۇر.
«جول قۇرىلىسى سالاسىنداعى مەردىگەرلەر مەزگىلدىڭ جىلى كەزىندە بيتۋمدى جاپپاي ساتىپ الادى. ال قالعان كەزەڭدە بيتۋم وندىرۋشىلەر ونىمگە دەگەن تومەن سۇرانىستىڭ اسەرىنەن شىعىنعا تاپ بولادى. الايدا، ولار مۇنى ءونىم سۇرانىسقا يە ماۋسىمدا ونىڭ باعاسىن ءوسىرىپ وتەيدى. «قازاۆتوجول» كومپانياسى مەن اكىمدىكتەر ەنەرگەتيكا مينيسترلىگىمەن بىرلەسىپ اي سايىن بيتۋمدى ءبولۋ بويىنشا ءبولۋدى جۇزەگە اسىرادى. ءبىراق وعان نەگىزگى سۇرانىس جازدا كەلەدى»، - دەپ اتاپ ءوتتى جيىن قاتىسۋشىلارى.
باسقوسۋ بارىسىندا ماسەلەنى وڭتايلى شەشۋ جولىن قازاقستان جولشىلار قاۋىمداستىعىنىڭ پرەزيدەنتى ۇسىندى.
«شۇڭقىرلار - بيتۋمدى ساقتايتىن ەڭ قولجەتىمدى ورىن. ءبىراق بۇل شۇڭقىرلاردا بيتۋم قاتىپ قالادى، ونى ۇنەمى جىلىتىپ وتىرۋ قاجەت. ال بۇدان ونىڭ ساپاسى تومەندەيدى. دەمەك جولداردىڭ ساپاسىنا دا تىكەلەي اسەر ەتەدى. شيكىزاتتى انگار قويمالارىندا ساقتاۋعا دا بولادى. ويتكەنى، ءاربىر مەردىگەردىڭ وسىنداي قويماسى بار. سودان كەيىن قىستا دا، جازدا دا بيتۋم ساتىپ الۋعا بولادى»، - دەدى باعلان بايماعامبەتوۆ.
ءوز كەزەگىندە ەنەرگەتيكا مينيسترلىگى مۇنايدى تاسىمالداۋ جانە وڭدەۋ دەپارتامەنتى ديرەكتورىنىڭ ورىنباسارى سامات مەرگەنوۆ ۆەدومستۆولىق بيرجالاردا ساتىلاتىن بيتۋمنىڭ ۇلەسىن ارتتىرۋدى ۇسىندى. ونىڭ ايتۋىنشا، بۇل تاراپتاعى كورسەتكىش 2021 -جىلدان بەرى وزگەرگەن جوق.
ايتا كەتەيىك، مەملەكەت باسشىسى قاسىم- جومارت توقايەۆ بيىلعى جولداۋىندا ەلىمىزدە ءالى كۇنگە دەيىن بيتۋم تاپشى ەكەندىگىنە نازار اۋدارىپ، ءىرى كولەمدە مۇناي وندىرەتىن ەل ءۇشىن بۇل ۇيات جاعداي ەكەندىگىن ايتقان بولاتىن. وسىعان وراي پرەزيدەنت ۇكىمەتكە بۇل ماسەلەنى تىكەلەي باقىلاۋعا الۋدى تاپسىردى.