بۇل تۋرالى استانادا وتكەن حالىقارالىق عىلىمي- تاجىريبەلىك كونفەرەنتسيادا ايتىلدى.
وتاندىق جانە شەتەلدىك تۇركولوگ ءارى تاريحشى عالىمدار شىعىس وركەنيەتىن زەرتتەۋدىڭ جاڭا پارا- ديگمالارىن تالقىلادى. ءتۇر- كولوگتاردىڭ ايتۋىنشا، كونە تۇركى تاريحىنىڭ كوپتەگەن نۇسقاسى قىتاي تىلىندە جازىلعان. سوندىقتان قىتايدا زەرتتەلمەي جاتقان ءتول تاريحىمىز وتە كوپ. «ول ءۇشىن قىتاي ءتىلى مەن، ءىلىمىن زەرتتەيتىن سينولوگ عالىمدار باس قوسۋى قاجەت»، - دەيدى.
سونىمەن قاتار شارا بارىسىندا بەلگىلى تاريحشى تۇرسىن- حان قايىركەننىڭ 3 جاڭا عىلىمي ەڭبەگى تانىستىرىلدى. وندا قىتاي تاريحناماسىنداعى قازاق تاريحى، كۇلتەگىن ەسكەرتكىشى تاريحي دەرەكتانۋ زەرتتەۋلەرى جارىق كورگەن.
قارجاۋباي سارتقوجا، تۇركولوگ عالىم:
- ءبىزدىڭ تاريحىمىزدىڭ ءتۇپنۇسقالارى قىتاي تىلىندە جاتىر. عۇندار تۋرالى كوپ جىلدار ەڭبەكتەنگەن جۇمىستارىمىز بار. سونى جالعاستىرۋىمىز قاجەت. اسىرەسە مىناۋ شىڭعىسحانعا دەيىنگى ءداۋىر قوپارىلماي جاتىر.
ءابدىۋاقاپ قارا، تاريح عىلىمدارىنىڭ دوكتورى /تۇركيا/:
- تۇركيا عالىمدارىنىڭ ايتۋىنشا، كونە تۇركىلەردىڭ وركەنيەتى سول كەزدەگى دۇنيە ءجۇزى وركەنيەتىنە كوپ ىقپال جاساعان. اتاپ ايتقاندا، ريم يمپەرياسىنا، ودان بۇرىن يتاليادا ەترۋستەر بولعان. سول زاماندا ەگيپەت، كونە مىسىرداعى پەرعاۋىندار مەملەكەتىنە سول كەزدە ءبىزدىڭ اتالارىمىزدىڭ، پروتوتۇركتەردىڭ ءتىلى، وركەنيەتى قاتتى اسەر ەتكەن. ەندى وسى دەرەكتەردى ناقتى اشىپ، بۇكىل دۇنيە جۇزىنە مويىنداتۋىمىز كەرەك.
www.24.kz