ساياسات نۇربەك ۇ ب ت قاي باعىتتا جەتىلدىرىلەتىنىن ايتتى

استانا. قازاقپارات - تىعىز قونىستانعان جانە جاڭادان قۇرىلعان وبلىستاردىڭ تالاپكەرلەرىنە گرانت ءبولۋ جالعاسادى.

بۇل تۋرالى ۇكىمەت وتىرىسىندا ەلىمىزدەگى ءبىلىم بەرۋدى دامىتۋدىڭ 2026 -جىلعا دەيىنگى تۇجىرىمداماسىن تالقىلاۋ كەزىندە قر عىلىم جانە جوعارى ءبىلىم ءمينيسترى ساياسات نۇربەك ايتتى، دەپ حابارلايدى قازاقپارات ءتىلشىسى.

«ۇلتتىق ءبىرىڭعاي تەستىلەۋ (ۇ ب ت) تالاپكەردىڭ وقۋ جەتىستىكتەرى مەن الەۋمەتتىك جاعدايىن ەسكەرەتىن كورسەتكىشتەر بويىنشا جەتىلدىرىلەدى. اتالعان ءتاسىل گرانت باعاسى جۇيەسىنە (30-دان % 100- عا دەيىن) ديففەرەنسياتسيا ەنگىزۋدە دە قولدانىلاتىن بولادى. ءبىلىم الۋشىلارعا جەڭىلدەتىلگەن 2-3 پايىزدىق نەسيە الۋ مۇمكىندىكتەرى دە جوسپارلانىپ وتىر»، - دەدى س. نۇربەك.

ونىڭ ايتۋىنشا، تىعىز قونىستانعان جانە جاڭادان قۇرىلعان (اباي، ۇلىتاۋ، جەتىسۋ) وبلىستاردىڭ تالاپكەرلەرىنە گرانت ءبولۋ جالعاسادى.

«ستۋدەنتتەردى جاتاقحانامەن قامتاماسىز ەتۋ ماسەلەسىن شەشۋ ءۇشىن ۋنيۆەرسيتەتتەرمەن جانە قۇرىلىس كومپانيالارىمەن مەملەكەتتىك- جەكەشەلىك ارىپتەستىك تەتىگى جەتىلدىرىلەتىن بولادى»، - دەدى مينيستر.

ايتا كەتەيىك، بۇگىن ۇكىمەت وتىرىسىندا ءبىلىم بەرۋدى دامىتۋدىڭ 2026 -جىلعا دەيىنگى تۇجىرىمداماسىنىڭ جوباسى بەكىتىلدى.

اۆتور

رۋسلان عابباسوۆ