بالاباقشاداعى وقىتۋ جۇيەسىندە اۋقىمدى وزگەرىستەر بولادى - ايماعامبەتوۆ
«تۇجىرىمدامادا ستراتەگيالىق جانە باعدارلامالىق قۇجاتتاردا بەلگىلەنگەن باسىمدىقتار، مەملەكەت باسشىسىنىڭ تاپسىرمالارى تولىق قامتىلدى. ءبىز ءتۇرلى حالىقارالىق زەرتتەۋلەردىڭ، تالداۋلاردىڭ ناتيجەلەرىن ەسكەرىپ، ساراپشىلار مەن پەداگوگ قاۋىمداستىقتارىمەن بارلىق ماسەلەنى تالقىلادىق. قۇزىرەتىمىز بويىنشا 6 باعىت 17 ينديكاتور جانە 109 ءىس- شارا كوزدەلگەن»، - دەدى ا. ايماعامبەتوۆ.
وسى ورايدا ول بالالاردى ەرتە دامىتۋ باعىتىنا توقتالدى.
«ءبىلىم سالاسىنىڭ ەڭ ماڭىزدى دەڭگەيى - ول بالاباقشا. زەرتتەۋلەرگە سايكەس بالانىڭ ينتەللەكتۋالدى، الەۋمەتتىك، ەموتسيالىق دامۋىندا بالاباقشالاردىڭ اسەرى زور. سول سەبەپتى بالالاردى ەرتە دامىتۋدىڭ جاڭا مودەلى ەنگىزىلىپ جاتىر. باعدارلاما دا، وقىتۋ ادىستەرى دە تۇبەگەيلى وزگەرىپ وتىر. بۇل تاۋەلسىزدىك جىلدارىندا مەكتەپكە دەيىنگى ءبىلىم جۇيەسىندەگى ەڭ ۇلكەن وزگەرىستىڭ ءبىرى ەكەنىن اتاپ وتكەن ءجون»، - دەدى مينيستر.
ونىڭ پايىمىنشا، بۇنىڭ الدىنداعى باعدارلاما تىم اكادەميالىق بولدى.
«ياعني 3-4 جاسار بالانى وتىرعىزىپ قويىپ، 20 مينۋتتەن وقىتساق، ەندى حالىقارالىق زەرتتەۋلەر اياسىندا تاربيە مەن وقىتۋ بالالاردىڭ جاس ەرەكشەلىكتەرىنە سايكەس ويىن ارقىلى جۇرگىزىلەدى. ويىن - بالانىڭ جانى مەن تانىنە ساي كەلەتىن تابيعي ارەكەت. بالا سول ارقىلى قورشاعان الەمدى زەرتتەپ، ونى تاني وتىرىپ، قاجەتتى داعدىلارىن دامىتادى. وسى ورايدا بالانىڭ تۇتاس دامۋى ءۇشىن بارلىق جاعدايلار قاراستىرىلادى. بالالار كوممۋنيكاتيۆتى، وزىنە سەنىمدى، قيىندىقتارعا ءتوزىمدى، دەندەرى ساۋ، اشىق جانە كرەاتيۆتى ويلايتىن، سونداي- اق وتانسۇيگىشتىك، ەڭبەكقورلىق پەن بىلىمگە قۇشتارلىق قۇندىلىقتارىن بويىنا ءسىڭىرىپ بالاباقشادان تاربيەلەنىپ شىعاتىن بولادى»، - دەدى ۆەدومستۆو باسشىسى.
اۆتور
رۋسلان عابباسوۆ