سەۋلدە كوز جۇمعان قازاقستاندىق ستۋدەنتتىڭ دەنەسى تۋعان جەرىنە بۇگىن جەتكىزىلەدى

قازىرگى كەزدە ق ر سىرتقى ىستەر مينيسترلىگى وتباسىمەن حابارلاسىپ، كومەك كورسەتۋگە ۋادە ەتكەن، دەپ حابارلايدى قازاقپارات ءتىلشىسى.

كورەيانىڭ سەۋل قالاسىندا بولعان قايعىلى جاعداي كەزىندە اقتوبەلىك ستۋدەنت ءمادينا شەرنيازوۆا كوز جۇمدى.

ق ر سىرتقى ىستەر مينيسترلىگىنىڭ باسپا ءسوز قىزمەتى قازاقستاندىق ديپلوماتتار قازا تاپقان ازاماتتىڭ تۋىستارىمەن بايلانىستا، قۇجات رەسىمدەۋگە جانە ءمايىتتى قازاقستانعا جەتكىزۋگە بارلىق قاجەتتى كومەك كورسەتىلەتىنىن ايتىپ، اقپارات تاراتتى.

وتباسىنىڭ حابارلاۋىنشا، دەنەسى الدىمەن الماتىعا جەتكىزىلەدى. كەيىن تۋعان جەرى اقتوبەگە اكەلىنەدى. شامامەن ەرتەڭ كەشكىلىك تاسىمالدانۋى مۇمكىن.

ايتا كەتەيىك، ءمادينا شەرنيازوۆا اقتوبە قالاسىنداعى №27-ورتا مەكتەپتە وقىعان. 2013 -جىلى ءبىتىرىپ، وقۋعا تۇسكەن.

«الدىمەن قازان قالاسىندا جوعارى وقۋ ورىن ءبىتىرىپ، كەيىن كورەياعا ەكىنشى جوعارى وقۋ ورنىنا ءتۇستى. وندا ماگيستراتۋرادا وقىدى. وقۋشى العىر بولدى. اعىلشىن ءتىلىن جاقسى مەڭگەردى. ءبىز وتباسىمەن بايلانىستا بولىپ، ونىڭ قايدا ءبىلىم الىپ جۇرگەنىن ءبىلىپ جۇردىك. قازىر اتا-اناسىنا قيىن، ءبىز كوڭىل ايتامىز»، - دەدى №27-ورتا مەكتەپ ديرەكتورىنىڭ ورىنباسارى التىنگۇل اتكيەۆا.