جوڭعار الاتاۋىندا تۇز جالاۋعا كەلگەن اڭدار ۆيدەوعا ءتۇسىپ قالدى
08:07, 01 - قاراشا 2022
استانا. قازاقپارات - ورمان شارۋاشىلىعى جانە جانۋارلار الەمى كوميتەتى تۇزجالاققا كەلگەن جانۋارلاردىڭ ۆيدەوسىن جاريالادى، دەپ حابارلايدى قازاقپارات.
جوڭعار الاتاۋى ۇلتتىق پاركى قىزمەتكەرلەرى جىل سايىن پارك اۋماعىنداعى جابايى جانۋارلارعا ارناپ بيوتەحنيالىق ءىس-شارالار جۇرگىزدى.
2022 -جىلى تابيعات قورعاۋ مەكەمەسى تەرريتورياسىنداعى 315 جاساندى تۇزجالاققا 9450 كەلى تۇز سالىندى.
جابايى جانۋارلاردىڭ تۇزجالاققا كەلۋ ساتتەرى فوتوتۇزاققا تۇسكەن.
ايتا كەتۋ كەرەك، بيوتەحنولوگيالىق ءىس-شارالاردىڭ ناتيجەسىندە پارك اۋماعىنداعى جابايى جانۋارلاردىڭ سانى تۇراقتانىپ جاتىر.