بەيبىت باكىر ۇلى اتامقۇلوۆ قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى.
بەيبىت باكىر ۇلى 1964 -جىلى 19-مامىردا الماتى وبلىسىندا تۋعان.
ينجەنەر- مەتاللۋرگ ماماندىعى بويىنشا قازاق پوليتەحنيكالىق ينستيتۋتىن، سونداي- اق، ەكونوميست ماماندىعى بويىنشا سانكت- پەتەربۋرگ مەملەكەتتىك ەكونوميكا جانە قارجى ۋنيۆەرسيتەتىن ءتامامداعان. ەكونوميكا عىلىمدارىنىڭ كانديداتى. 1 كلاستى كەڭەسشى ديپلوماتيالىق دارەجەسى بار. ەڭبەك قىزمەتىن 1985 -جىلى نوريلسك تاۋ- كەن مەتاللۋرگيا كومبيناتىنىڭ مىس بايىتۋ زاۋىتىندا باستاعان.
1986 -جىلدان باستاپ م. ي. كالينين اتىنداعى شىمكەنت قورعاسىن زاۋىتىندا جۇمىس ىستەدى، وندا بالقىتۋشى، اۋىسىم شەبەرى، بريگاديردەن باستاپ جەتەكشى ينجەنەرگە دەيىنگى جولدان ءوتتى. 1991 -جىلدان – ق ر سىرتقى ەكونوميكالىق بايلانىستار مينيسترلىگى «قازمەتاللەكسپورت» قازاقستاندىق رەسپۋبليكالىق سىرتقى ەكونوميكالىق بايلانىستار كاسىپورنىنىڭ «چەرمەتەكسپورت» كومپانياسىنىڭ باس مامانى، ديرەكتورى.
1993 -جىلدان ق ر سىرتقى ەكونوميكالىق بايلانىستار مينيسترلىگى «قازاقستان ساۋدا» مسك باس ديرەكتورىنىڭ ءبىرىنشى ورىنباسارى. 1995 -جىلدان «قارمەتكومبينات» م ا ق (تەمىرتاۋ) باس ديرەكتورىنىڭ ءبىرىنشى ورىنباسارى.
1996 -جىلدان «راحات- مەتاللس» كومپانياسىنىڭ باس ديرەكتورى، «AIG» قازاقستاندىق ساقتاندىرۋ كومپانياسى ديرەكتورلار كەڭەسى ءتوراعاسىنىڭ ورىنباسارى. 2002 -جىلدان «راحات» م ك ديرەكتورلار كەڭەسىنىڭ ءتوراعاسى. 2006 -جىلى قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ كەڭەسشىسى.
2006 -جىلدان - قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ كەڭەسشى- ەلشىسى. 2007 -جىلدان قازاقستان رەسپۋبليكاسىنىڭ يران يسلام رەسپۋبليكاسىنداعى ەلشىلىگىنىڭ كەڭەسشى- ەلشىسى. 2008 -جىلدان قازاقستان رەسپۋبليكاسىنىڭ ماينداعى فرانكفۋرت قالاسىنداعى (گەرمانيا) باس كونسۋلى.
2010 -جىلدان قازاقستان رەسپۋبليكاسىنىڭ مالايزيا رەسپۋبليكاسىنداعى توتەنشە جانە وكىلەتتى ەلشىسى. 2012 -جىلدان قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ جاۋاپتى حاتشىسى.
2014-2015 -جىلدارى – ق ر ينۆەستيتسيالار جانە دامۋ مينيسترلىگىنىڭ جاۋاپتى حاتشىسى. 2015-2016 -جىلدارى وڭتۇستىك قازاقستان وبلىسىنىڭ اكىمى، 2016-2018 -جىلدارى قازاقستان رەسپۋبليكاسى قورعانىس جانە اەروعارىش ونەركاسىبى ءمينيسترى.
2018-2019 -جىلدارى - قازاقستان رەسپۋبليكاسىنىڭ سىرتقى ىستەر ءمينيسترى. 2019-2022 -جىلدارى قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى.
«قۇرمەت» وردەنىمەن، «استانانىڭ 10 -جىلدىعى»، «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەيتويلىق مەدالدارىمەن ماراپاتتالعان.
سونداي- اق وسى جارلىقپەن قازاقستان رەسپۋبليكاسىنىڭ حورۆاتيا رەسپۋبليكاسىنداعى توتەنشە جانە وكىلەتتى ەلشىسى التاي يبراگيم ۇلى ابيبۋللايەۆ قازاقستان رەسپۋبليكاسىنىڭ بوسنيا جانە گەرتسەگوۆيناداعى، چەرنوگورياداعى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى.