ءاليحان سمايىلوۆ گەرمانيانىڭ سىرتقى ىستەر ءمينيسترى اننالەنا بەربوكپەن كەزدەستى

استانا. قازاقپارات - قازاقستان پرەمەر-ءمينيسترى ءاليحان سمايىلوۆ ەلىمىزگە جۇمىس ساپارىمەن كەلگەن گەرمانيانىڭ سىرتقى ىستەر ءمينيسترى اننالەنا بەربوكپەن كەزدەستى، دەپ حابارلايدى قازاقپارات.

ۇكىمەت باسپا ءسوز قىزمەتىنىڭ مالىمەتىنشە، گەرمانيا - قازاقستاننىڭ ەۋروپالىق وداقتاعى ماڭىزدى ساۋدا-ەكونوميكالىق جانە ينۆەستيتسيالىق سەرىكتەسى.

وسىعان بايلانىستى استانا الەمدىك ەكونوميكاداعى جاعىمسىز فاكتورلارعا قاراماستان، بەرلينمەن ءوزارا ءىس-قيمىلدىڭ جوعارى دەڭگەيىن ساقتاپ، ءارى قاراي نىعايتۋعا نيەتتى.

وتكەن جىلى قازاقستان ەكونوميكاسىنا قۇيىلعان تىكەلەي نەمىس ينۆەستيتسياسىنىڭ كولەمى % ارتىپ، $320 ميلليوننان استى.

ەكى ەل اراسىنداعى تاۋار اينالىمى دا وتكەن جىلى %6 دان استامعا ءوسىپ، $2,2 ميللياردتى قۇرادى. بيىل دا بۇل كورسەتكىشتەر ءوسىپ كەلەدى.

«ينۆەستيتسيالىق ىنتىماقتاستىقتى ارتتىرۋ جانە ءوزارا ساۋدا كولەمىن ۇلعايتۋ بويىنشا ايتارلىقتاي الەۋەتىمىز بار»، — دەدى ءاليحان سمايىلوۆ.

ەكى ەل اراسىنداعى ىنتىماقتاستىقتىڭ ناتيجەسى رەتىندە جالپى قۋاتى 45 گۆت جەل جانە كۇن ەلەكتر ستانتسيالارى مەن «جاسىل» سۋتەگى وندىرەتىن ەنەرگەتيكالىق كەشەن سالۋ بويىنشا جوسپارلانعان جوبالاردى ايتۋعا بولادى.

سونىمەن قاتار پرەمەر-مينيستر نەمىس تارابىنىڭ استانادا گەرمانيا حالىقارالىق ىنتىماقتاستىق قوعامىنىڭ قامقورلىعىمەن سۋتەگى ديپلوماتياسى كەڭسەسىن اشۋ باستاماسىنىڭ ماڭىزىن اتاپ ءوتتى.

ءوز كەزەگىندە اننالەنا بەربوك قازاقستاننىڭ سوڭعى جىلدارى ەكونوميكالىق جانە قوعامدىق-ساياسي سالالارداعى ەلەۋلى پروگرەسىن اتاپ ءوتتى.

«ەكى تاراپقا دا ءتيىمدى بولۋى ءۇشىن ەكونوميكالىق قاتىناستى تەڭ دارەجەدە دامىتۋ ماڭىزدى دەپ سانايمىز»، — دەدى ا. بەربوك.