«2021-جىلدىڭ جەلتوقسان ايىندا اپەللياتسيا بۇرىنعى قارجى ۆيتسە-ءمينيسترىنىڭ ىسىنە قاتىستى ۇكىمدى قايتا قارادى. بۇقارالىق اقپارات قۇرالدارىندا بۇرىنعى ۆيتسە-ءمينيستردىڭ سوت ۇكىمى شىققان سوڭ 2,5 ايدان كەيىن بوستاندىققا شىققاندىعى تۋرالى اقپارات جاريالاندى. ەسكە سالا كەتسەك، نۇر-سۇلتان قالاسى ەسىل اۋدانىنىڭ 2№ اۋداندىق سوتىنىڭ 2021-جىلعى 23- قىركۇيەكتەگى ۇكىمىمەن ەڭسەبايەۆ پەن ەسكەندىروۆ پارا العانى ءۇشىن كىنالى دەپ تانىلىپ (ق ر ق ك- ءنىڭ 366-بابى 2-بولىگى) 4 جىلعا باس بوستاندىعىنان ايىرىلدى»، - دەلىنگەن حابارلامادا.
ەلوردانىڭ سوتى ۇسىنعان اقپاراتقا سايكەس، ۇكىممەن كەلىسپەگەن ەڭسەبايەۆ ايىپپۇلدى تولەۋ مۇمكىندىگى تۋرالى دالەل كەلتىرگەن.
«سوتتالعان ەڭسەبايەۆتىڭ ءىسى ق ر ق ك- ءنىڭ 366-بابى 2-بولىگى بويىنشا العان پارانى 50 نەمەسە 60 ەسەلەنگەن سوما مولشەرىندە ايىپپۇل تۇرىندە قايتارۋعا نەمەسە 3 جىلدان 7 جىلعا دەيىنگى مەرزىمدە باس بوستاندىعىنان ايىرۋدى كوزدەيدى»، - دەيدى استانا سوتىنان.
استانا سوتىنىڭ حابارلاماسىندا ايتىلعانداي، 2021-جىلدىڭ 13- جەلتوقسانىندا القا ءمان-جايدى ەسكەرە وتىرىپ، ەڭسەبايەۆقا قاتىستى ءبىرىنشى ساتىداعى ۇكىمدى وزگەرتىپ، باس بوستاندىعىنان ايىرۋ جازاسىن العان پارانىڭ 55 ەسەلەنگەن سوماسى مولشەرىندە، ياعني ق ر ق ك- ءنىڭ 366-بابىنىڭ 2-بولىگىنە سايكەس 66000000 تەڭگە سوماسىنداعى ايىپپۇلعا اۋىستىردى.
استانا قالالىق سوتىنىڭ حابارلاۋىنشا، جوعارىدا قابىلدانعان شەشىمگە قاتىستى ەشكىم قارسىلىق تانىتپاعان. وسىلايشا سوتتالۋشى تاعايىندالعان ايىپپۇلدى تولەگەننەن كەيىن بوستاندىققا جىبەرىلدى.
ەسكە سالا كەتسەك، بىلتىر قىركۇيەكتە بۇرىنعى قارجى ۆيتسە-ءمينيسترى رۋسلان ەڭسەبايەۆ ءتورت جىلعا سوتتالعان ەدى.
سونداي-اق، سوت شەشىمىمەن بۇرىنعى ۆيتسە-ءمينيستردىڭ اتىنا قويىلعان كەپىلدەمە قايتارىلدى.