ەستەرىڭىزگە سالا كەتەيىك، 10 -قازاندا تولەبي اۋدانىنىڭ پوليتسيا بولىمىنە اقسۋ وزەنىندە ءمايىتتىڭ تابىلعانى تۋرالى حابارلاما كەلىپ تۇسكەن بولاتىن. وقيعا ورنىنا بىردەن پوليتسيا ءبولىمىنىڭ جەدەل-تەرگەۋ توبى شىقتى. پوليتسەيلەر قازا تاپقان ادامنىڭ كىم ەكەنىن انىقتادى، ول تولەبي اۋدانىنىڭ تۇرعىنى بولىپ شىقتى.
سونداي-اق شىمكەنت قالاسى پوليتسيا دەپارتامەنتى ەڭبەكشى اۋداندىق پوليتسيا بولىمىنە اپكەسىنىڭ حابار-وشارسىز كەتۋ دەرەگى بويىنشا تۋىستارى ارىزدانعانى بەلگىلى بولدى.
اتالعان جايت بويىنشا قازاقستان رەسپۋبليكاسى ق ك-نىڭ 99-بابى 1-بولىگىمەن(ادام ءولتىرۋ) قىلمىستىق ءىس تىركەلدى جانە سوتقا دەيىنگى تەرگەۋ جۇرگىزىلۋدە.
جەدەل-ىزدەستىرۋ ءىس-شارالارى بارىسىندا پوليتسەيلەر وسى قىلمىستى جاسادى دەگەن كۇدىكپەن جابىرلەنۋشىنىڭ ۇرىنعى كورشىسى تولەبي اۋدانىنىڭ تۇرعىنىن ۇستادى.
بەلگىلى بولعانداي، اقشالاي قارىزى قىلمىسقا سەبەپ بولعان. قارىزدى قايتارماۋ ءۇشىن كۇدىكتى كورشىسىنەن قۇتىلماق بولعان. ول الداۋ ارقىلى جابىرلەنۋشىنى اقسۋ وزەنىنە اپارىپ، جارتاستان يتەرىپ جىبەرگەن. العان جاراقاتتارىنان ايەل قىلمىس ورنىندا قايتىس بولعان. قازىرگى ۋاقىتتا كۇدىكتى ءوز كىناسىن تولىق مويىنداپ، بۇل ارەكەتىنە وكىنەتىنىن جەتكىزدى. ول ۋاقىتشا ۇستاۋ يزولياتورىنا قاماۋعا الىندى. بۇگىندە سوتقا دەيىنگى تەرگەۋ امالدارى جۇرگىزىلۋدە.