«قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان 20000 تەڭگە نومينالىنداعى مەرەيتويلىق بانكنوت زاڭدى تولەم قۇرالى بولىپ سانالادى. بۇل بانكنوتتار تولەمدەردىڭ، بانك وپەراتسيالارىنىڭ جانە اۋدارىمداردىڭ بارلىق تۇرلەرى بويىنشا باسقا ەستەلىك بانكنوتتار سياقتى قابىلدانۋعا مىندەتتى. بانكنوتتار تابيعي توزۋىنا قاراي اقشا اينالىمىنان الىنادى. مەرەيتويلىق جانە ەستەلىك بانكنوتتار بويىنشا اينالىم مەرزىمى بەلگىلەنبەيدى»، - دەپ حابارلادى ۇلتتىق بانك قازاقپارات ءتىلشىسىنىڭ ساۋالىنا.
ايتا كەتەيىك، 1- قازاندا قازاقستان ۇلتتىق بانكى جاڭا ديزاينداعى 20000 تەڭگەلىك بانكنوتتى اينالىمعا شىعاردى. بانكنوتتىڭ 25 قورعانىس ەلەمەنتى بار، مولشەرى – 155x 79 م م جانە سۇر تۇسكە باسىمدىق بەرىلگەن.
بەت جاعىندا قازاقستان رەسپۋبليكاسىنىڭ مەملەكەتتىك رامىزدەرى، «قازاق ەلى» مونۋمەنتى، «ماڭگىلىك ەل» سالتانات قاقپاسى، «باسقۇر» قازاق ۇلتتىق ويۋ- ورنەگىنىڭ فراگمەنتى جانە تاۋەلسىزدىك جىلدارىن بىلدىرەتىن «30» سانى بەينەلەنگەن.
اۆتور
ايجان سەرىكجان قىزى