بۇعان دەيىن الەۋمەتتىك جەلىلەردە جوعالعان ستۋدەنتتىڭ تۋىستارى راۋان دارحان ۇلى مەن ءۇش ستۋدەنتتىڭ 22- قازاندا كەشكە دوكۋز ەيلۋل ۋنيۆەرسيتەتىنىڭ كامپۋسىنان كەشكى اس ءىشۋ ءۇشىن شىققانىن حابارلاعان. راۋانمەن بىرگە ءبىلىم الاتىن ستۋدەنتتەردىڭ ايتۋىنشا، ولار كافەدەن شىققان كەزدە راۋان سمارتفوننىڭ جوعالعانىن تۇسىنگەن. سمارتفونىن ىزدەۋ ءۇشىن اس ىشكەن جەرگە قايتا بارىپ، ورالماعان.
«ءبىراز ۋاقىتتان كەيىن راۋانمەن اس ىشكەن ستۋدەنتتەر ونى ىزدەپ بارعان، ءبىراق ونى تاپپاي، ۋنيۆەرسيتەت كامپۋسىنا قايتقان. ال راۋان قايتىپ ورالماعان. سودان كەلەسى كۇنى جىگىتتەر كەشكى اس ىشكەن جەرىنە قايتا بارىپ، راۋاننىڭ سمارتفونىن سول جەردەن تاۋىپ العان»، - دەلىنگەن قازاقستاندىق ستۋدەنت تۋىستارىنىڭ حابارلاماسىندا.
حابارسىز كەتكەن ستۋدەنتتىڭ اناسى راۋشان نوعايبايەۆا ۋنيۆەرسيتەت باسشىلىعى مەن يزمير قالالىق پوليتسياسىنا ارىز جازعان. وعان پوليتسيا ىزدەپ جاتقانىن، ازىرگە حابار جوق ەكەنىن ايتتى.
Tengrinews.kz رەداكسياسى ازىرگە جوعالعان قازاقستاندىق ستۋدەنتتىڭ تۋىستارىمەن بايلانىسا المادى.
قازاقستاننىڭ سىرتقى ىستەر مينيسترلىگى بولعان وقيعادان حاباردار ەكەنىن حابارلادى.
«تۇركيا بيلىگىنە ۇندەۋ جاسالدى، پوليتسيا ونى ىزدەستىرىپ جاتىر»، - دەپ حابارلادى س ءى م باسپا ءسوز قىزمەتى.