جولاۋشىلاردىڭ العاشقى پاناسى: جولشىلاردىڭ جىلىتۋ بەكەتتەرى

ۇلان- عايىر قازاق دالاسىنىڭ ءار ءوڭىرىنىڭ وزىنە ءتان ەرەكشەلىگى مەن تابيعاتى بار. ءبىر وبلىسىندا جاۋىن جاۋىپ، كوكتايعاق بولسا، بىرىندە قارلى بوران بۇرقاپ تۇرادى. قاي جاعدايدا دا جولشىلار ءۇشىن جولاۋشىلاردىڭ قاۋىپسىزدىگى مەن جايلىلىعى ءبىرىنشى كەزەكتە بولماق.

وسى ورايدا، رەسپۋبليكالىق ماڭىزى بار اۆتوموبيل جولدارىنىڭ بويىندا اقتۇتەك بوران كۇندەرى جولاۋشىلاردىڭ دىتتەگەن جەرلەرىنە امان- ەسەن جەتۋلەرى ءۇشىن جاعداي جاسالىپ جاتىر. كولىك اعىنى كوپ كۇرە جولداردىڭ بويى قاردان ارشىلعانشا، جولاۋشىلار جانە كەزەك الماسقان جولشىلار توڭىپ قالماۋى ءۇشىن ەلىمىزدە 125 جىلىتۋ بەكەتى جوندەۋدەن وتكىزىلىپ، ىسكە قوسىلىپ جاتىر. جولشىلاردىڭ بۇل جىلىتۋ بەكەتتەرى ارنايى توسەك ورىندارىمەن، اسحانامەن جانە سانيتارلىق توراپتارمەن جابدىقتالعان.

وكىنىشكە وراي، جىلدان- جىلعا داۋىلدى ەسكەرتۋلەر مەن جول ءجۇرۋ شەكتەۋلەرىنە قاراماستان، جولعا شىعاتىن جولاۋشىلار سانى ازايماي تۇر. ال ولاردىڭ باسىم بولىگى قىس مەزگىلىندە قار قۇرساۋىندا قالىپ قويىپ جاتادى.

تەك وتكەن قىستىڭ وزىندە، جولشىلاردىڭ كۇشىمەن 720 اۆتوكولىك قار قۇرساۋىنان بوساتىلىپ، ونىڭ ىشىندە 400 گە جۋىعى «قازاۆتوجولدىڭ» جىلى بوكستارىنا جەتكىزىلسە، 2000 نان استام ادام جىلىتۋ بەكەتتەرىنە ورنالاستىرىلدى.

قۇرمەتتى جولاۋشىلار، «قازاۆتوجول» ۇ ك ا ق سىزدەردەن جولدا اباي بولۋلارىڭىزدى، بەكىتىلگەن جىلدامدىق جانە جول ءجۇرۋ شەكتەۋلەرىن قاتاڭ ساقتاۋلارىڭىزدى سۇرايدى. ال شتاتتان تىس جاعدايلار تۋىنداعان كەزدە سىزدەر ءارقاشان 1403 ءبىرىڭعاي كولل ورتالىعىنا قوڭىراۋ شالا الاتىندارىڭىزدى ەستەرىڭىزگە سالامىز.