وسىلايشا، ەۋروپالىق زاڭ شىعارۋشىلار ە و ەلدەرىن ەلەكتروموبيلدەرگە كوشۋگە ىنتالاندىرۋعا تىرىسۋدا.
ەۋروپارلامەنت اتىنان وكىلدىك ەتەتىن نيدەرلاند دەپۋتاتى يان حيۋيتەم جانە ەۋروكەڭەسكە ءتوراعالىق ەتىپ وتىرعان چەحيا رەسپۋبليكاسى ءتيىستى كەلىسىم جاساستى.
Euractiv باسىلىمىنىڭ حابارلاۋىنشا، بۇل كەلىسىم باستاپقىدا «جاسىل كەلىسىم» اياسىندا ە و- نىڭ داۋعا تولى زاڭناما باستامالارىنىڭ ءبىرى رەتىندە قاراستىرىلدى. دەگەنمەن، CO2 شىعارىندىلارىن شەكتەۋ تۋرالى ۇسىنىس جىلدام ىلگەرىلەپ، ە و- عا مۇشە مەملەكەتتەر مەن پارلامەنت ماقۇلداعان ەۋرووداقتىڭ «Fit for 55» شارالار پاكەتىنىڭ العاشقىسى بولدى.
2035-جىلعا قاراي ە و- دا ساتىلاتىن بارلىق جاڭا اۆتوموبيلدەر مەن فۋرگوندار اۋاعا زياندى شىعارىندى بولمەيدى دەپ كۇتىلۋدە. بۇل ىشكى جانۋ قوزعالتقىشتارى بار كولىكتەرگە تۇبەگەيلى تىيىم سالۋدى بىلدىرەدى.