ماراپاتتاۋ بارىسىندا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا الەۋمەتتىك قىزمەتكەرلەردىڭ ءومىر ءسۇرۋ ساپاسىن ارتتىرۋعا قوسقان ايرىقشا ۇلەسىن اتاپ ءوتتى.
«سىزدەرگە ەرەكشە نازار مەن قامقورلىقتى قاجەت ەتەتىن ادامداردىڭ پروبلەمالارى جۇكتەلەدى. وسى جاۋاپتى جۇمىستارىڭىز تەك ەڭبەكقورلىق پەن ىسكە دەگەن ادالدىقتى عانا ەمەس، سونىمەن بىرگە سەزىمتالدىقتى، ۇلكەن شىدامدىلىقتى، جاناشىرلىقتى قاجەت ەتەدى. ازاماتتارعا قاجەتتى كومەك كورسەتۋ باستى مىندەت بولىپ تابىلاتىن مەيىربان ادامدار، ەلىمىزدىڭ دامۋى مەن نىعايۋىنا قوسقان ۇلەسى كوزگە كورىنە بەرمەيتىن باتىرلارىمىز دەسە بولادى. ءسىزدىڭ قامقورلىعىڭىز بەن قولداۋىڭىز ادامدارعا سەنىمدىلىك بەرەدى، ءومىردىڭ قيىن سىناقتارىن ەڭسەرۋدە كۇش قوسىپ، دەمەيدى»، - دەدى تامارا دۇيسەنوۆا.
سالتاناتتى شارا بارىسىندا ەل وڭىرلەرىندە كوپ جىلدار بويى ەڭبەك ەتىپ جۇرگەن الەۋمەتتىك قورعاۋ جۇيەسىنىڭ 88 قىزمەتكەرى ماراپاتتالدى. ولارعا مينيستر «قۇرمەت»، «ەرەن ەڭبەگى ءۇشىن»، «ەڭبەك ارداگەرى» جانە «شاپاعات» مەدالدەرىن تابىس ەتتى.