قازاقستاندا قاراشادان باستاپ قانداي جاڭالىقتار بولاتىنىنا شولۋ جاسالدى.
قاراشادا اۋا رايى قانداي بولادى؟
قاراشادا رەسپۋبليكانىڭ باسىم بولىگىندە كۇن جىلى، ال باتىس قازاقستان، اتىراۋ، سولتۇستىك قازاقستان وبلىستارىنىڭ باسىم بولىگىندە، اقتوبە، قوستاناي وبلىستارىنىڭ سولتۇستىك- باتىسىندا، پاۆلودار وبلىسىنىڭ سولتۇستىك جارتىسىندا نورما شەگىندە بولادى دەپ كۇتىلەدى. سونداي- اق، ەلدىڭ كوپتەگەن ايماعىندا جاۋىن شاشىن كليماتتىق نورماعا جاقىن بولادى.
پرەزيدەنت سايلاۋى وتەدى
مەملەكەت باسشىسى بۇعان دەيىن «قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن تاعايىنداۋ تۋرالى» جارلىققا قول قويعان ەدى. سوعان سايكەس ەلىمىزدە كەزەكتەن تىس پرەزيدەنت سايلاۋى 2022 -جىلعى 20-قاراشادا جەرگىلىكتى ۋاقىت بويىنشا ساعات 07:00-دەن 20:00-گە دەيىن وتكىزىلەدى.
سايلاۋ ناتيجەسى قاشان شىعادى؟
اكىمشىلىك اۋماقتىق بىرلىكتەر بويىنشا داۋىستاردى ساناۋ ناتيجەلەرىن اۋماقتىق سايلاۋ كوميسسيالارى بەلگىلەيدى جانە ەكى كۇن ىشىندە، ياعني 22-قاراشاعا دەيىن ولاردى ورتسايلاۋكومعا جەتكىزەدى. ناتيجەلەردى انىقتاۋ جانە سايلانعان پرەزيدەنتتى تىركەۋ قولدانىستاعى زاڭناما نورمالارىنا سايكەس و س ك- عا 7 كۇننەن اسپاي تىركەلەدى. سايلاۋ قورىتىندىلارى تۋرالى حابارلاما 10 كۇننەن كەشىكتىرمەي بۇقارالىق اقپارات قۇرالدارىندا جاريالانادى. ياعني، 30-قاراشاعا دەيىن بارلىق سايلاۋ پروتسەدۋرالارى مەن رەسمي جاريالانىم شارالارى جۇرگىزىلەدى.
سىبايلاس جەمقورلاردان الىنعان اقشا مەكتەپ قۇرىلىسىنا بولىنەدى
پرەمەر-مينيستر ءاليحان سمايىلوۆ سىبايلاس جەمقورلاردان الىنعان قاراجات ەندى مەكتەپتەر مەن ولارعا قوسىمشا قۇرىلىستار سالۋعا باعىتتالاتىنىن ايتقان ەدى. ۇكىمەت باسشىسىنىڭ سوزىنشە، بۇل قارجى قاراشادان باستاپ بولىنەدى.
«بۇگىندە رەسپۋبليكا بويىنشا 100 ميلليارد تەڭگە تۋرالى ءسوز بولىپ وتىر. قاراجات ءبولۋ قاراشا ايىندا باستالادى»، - دەگەن ەدى پرەمەر-مينيستر تۇركىستان وبلىسىنا جۇمىس ساپارى اياسىندا الەۋمەتتىك- ەكونوميكالىق دامۋ ماسەلەلەرى جونىندەگى كەڭەستە.
«قازاۆتوجول» مەن «قازاقاۆتودوردى» بىرىكتىرۋ جۇمىسى اياقتالادى
«قازاۆتوجول» مەن «قازاقاۆتودوردى» تولىق بىرىكتىرۋ 2022 -جىلعى قاراشانىڭ اياعىنا دەيىن اياقتالادى. بۇل تۋرالى «قازاۆتوجول» ۇلتتىق كومپانياسى» ا ق باسقارما ءتوراعاسىنىڭ ورىنباسارى سەرىك ايدوس مالىمدەگەن بولاتىن.
ايتا كەتەيىك، يندۋستريا جانە ينفراقۇرىلىمدىق دامۋ مينيسترلىگى «قازاۆتوجول» مەن «قازاقاۆتودور» ءبىر كومپانياعا بىرىكتىرىلگەنىن حابارلاعان ەدى.
الماتىدا جاڭا تەمىرجول ستانسياسى پايدا بولادى
قاراشانىڭ اياعىنا دەيىن الماتى يندۋستريالىق ايماعىندا تەمىرجول ستانسياسى ىسكە قوسىلادى. بۇل تۋرالى باسپا ءسوز تۋرى بارىسىندا جۋرناليستەرگە «يندۋستريالنايا زونا - الماتى» ج ش س ديرەكتورى الىشەر ساتىبالديەۆ مالىمدەگەن بولاتىن. ونىڭ ايتۋىنشا، قۇرىلىس بارىسىندا جىبەرىلگەن زاڭبۇزۋشىلىقتارعا بايلانىستى نىسان ءتورت جىلدان اسا ۋاقىت بويى كولىكتىك باقىلاۋ ينسپەكسياسىنىڭ ەسكەرتۋى بويىنشا كونسەرۆاتسيادا تۇر.
بۇل جولدىڭ جالپى ۇزىندىعى 8 شارشى شاقىرىم بولادى، ول «بورالداي» ستانسياسىنا جاناسادى، ال ستانسياعا كىرمە جولدار - 1,8 شاقىرىم.
قازاقستاندا ەكى جاڭا مەرەكە پايدا بولادى
سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ۇسىنىسى بويىنشا، قازاقستاندا ەكى كاسىبي جاڭا مەرەكە پايدا بولادى. ءبىرى سيفرلاندىرۋ جانە اقپاراتتىق تەحنولوگيالار قىزمەتكەرلەرى كۇنى رەتىندە 10-قاراشا، ەكىنشىسى ەنەرگيا ۇنەمدەۋ كۇنى رەتىندە 11-قاراشا.
جەڭىلدەتىلگەن اۆتونەسيە قايتا بەرىلە باستايدى
جەڭىلدەتىلگەن اۆتونەسيە قاراشادا قايتا باستالادى دەپ جوسپارلانىپ وتىر. اقپاراتتى يندۋستريالىق دامۋ قورى (ي د ق) راستاعان. قور مالىمەتىنشە، جەڭىلدەتىلگەن اۆتونەسيەلەردى قارجىلاندىرۋ قاراشانىڭ ءبىرىنشى جارتىسىندا اشىلادى.
«جەڭىلدەتىلگەن اۆتونەسيە قاراشانىڭ ءبىرىنشى جارتىسىندا جىلىنا ءتورت پايىزبەن نەسيە تۇرىندە قايتا بەرىلەدى. ساتىپ الۋشىلار «سارىارقااۆتوپروما» جانە Hyundai Trans Kazakhstan زاۋىتتارىندا شىعارىلعان كولىكتەردى تاڭداي الادى»، - دەگەن ەدى قور وكىلى.
اقپارات دەرەككوزى: https://massaget.kz/basty-zhaalytar-438/73732/