بۇدان 150 ميلليون جىل بۇرىن ءومىر سۇرگەن ەڭ ەجەلگى قۇستاردىڭ ارعى تەكتەرىنىڭ ءبىرىنىڭ تىستەرىنىڭ سانى وتە كوپ بولعان. الايدا ارادا 20 ميلليون جىل وتكەننەن كەيىن جەردە ءتىسسىز قۇستار تىرشىلىك ەتە باستاعان. جاڭا زەرتتەۋلەردىڭ اياسىندا عالىمدار قازىرگى قۇستاردىڭ ارعى تەكتەرىنىڭ تىستەرىنەن ايىرىلۋىنا نە نارسە ءماجبۇر ەتتى دەگەن سۇراقتىڭ ۇشتىعىنا شىعۋعا دەن قويدى.
پالەونتولوگتاردىڭ نازارىن جاسى 22 ميلليون جىلدى قۇرايتىن قۇستاردىڭ Zhongjianornis yangi ءتۇرى اۋداردى. وسى ءتۇردىڭ، سونداي-اق ولاردىڭ «ارىپتەستەرىنىڭ» قالدىقتارىنا جاسالعان ساراپتاما كوپتەگەن ءتىسسىز قاراپايىم قۇستاردىڭ ۇشۋعا جاقسى بەيىمدەلگەنىن كورسەتتى. عالىمدار قۇستاردىڭ ارعى تەكتەرى تىستەرىنەن ايرىلۋ ارقىلى باستارىنىڭ سالماقتارىن جەڭىلدەتكەنىن جانە وسىلايشا دەنەلەرىنىڭ تەڭگەرىمىن وزگەرتكەنىن انىقتادى. بۇل ءوز كەزەگىندە، ۇشۋ سيپاتتامالارىن جاقسارتۋعا جاعىمدى اسەر ەتكەن.