بۇل تۋرالى قازاقپارات ۇكىمەتتىڭ سايتىنا سىلتەمە جاساپ حابارلايدى.
سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين دۇنيەجۇزىلىك زياتكەرلىك مەنشىك ۇيىمىنىڭ جىل سايىنعى جاھاندىق رەيتينگىن تالداۋ قورىتىندىسى بويىنشا قازاقستاننىڭ يننوۆاتسيالىق ەكوجۇيەسىنىڭ تيىمدىلىگىن ارتتىرۋ جونىندە ۇسىنىستار ازىرلەنگەنىن باياندادى.
ياعني، وزىق ەلدەر مەن ۇيىمداردىڭ تاجىريبەسىنە نەگىزدەلگەن جاڭا ءتاسىل اياسىندا كۇش-جىگەردى جەكەلەگەن باعىتتارعا، اتاپ ايتقاندا، ازاماتتاردىڭ دەنساۋلىعى مەن ءومىر ءسۇرۋ ساپاسىن جاقسارتۋ ماقساتىندا دەنساۋلىق ساقتاۋ جۇيەسىن جەتىلدىرۋ ءۇشىن MedTech؛ ەكولوگيالىق تازا اۋىل شارۋاشىلىعى ونىمدەرىن ءوندىرۋدى دامىتۋ ءۇشىن AgriTech؛ «جاسىل» تەحنولوگيالاردى، ەنەرگيانى ءتيىمدى پايدالانۋ مەن ۇنەمدەۋدى دامىتۋ ءۇشىن GreenTech جاڭا تەحنولوگيالارىن ەنگىزۋ باعىتتارىنا شوعىرلاندىرۋ ۇسىنىلىپ وتىر.
بۇل ءتاسىل بەلگىلى ءبىر ساناۋلى باعىتتاعى يننوۆاتسيالاردىڭ تيىمدىلىگىن ارتتىرۋعا مۇمكىندىك بەرەدى جانە جالپى ەكونوميكانىڭ دامۋىنا وڭ مۋلتيپليكاتيۆتى اسەر ەتەدى.
سونىمەن قاتار وتىرىستا ەكونوميكانىڭ ءتۇرلى سالالارىنىڭ يننوۆاتسيالىق بەلسەندىلىگىن ىنتالاندىراتىن تەحنولوگيالىق قۇزىرەتتەردىڭ سالالىق ورتالىقتارىن قۇرۋ ماسەلەلەرى قارالدى. اتاپ ايتقاندا، مۇنداي ورتالىقتاردىڭ مىندەتتەرىنە قولدانىستاعى سالالاردىڭ تەحنولوگيالىق دامۋىن تالداۋ، حالىقارالىق ترەندتەر مونيتورينگى، ءتيىستى ءبىلىم مەن تاجىريبەنى جيناقتاپ-تاراتۋ كىرەدى.
پرەمەر-مينيستر وسىنداي ورتالىقتاردى قۇرۋ جانە دامىتۋ بويىنشا الەمدىك تاجىريبەنى تالداۋ قاجەتتىگىن اتاپ ءوتتى.
«قۇزىرەتتىلىك ورتالىعى سالانىڭ بارلىق كاسىپورىندارى ءۇشىن جاقسى شەشىم بولۋى كەرەك. بۇل الەمدىك ترەندتەر مەن جاڭا پەرسپەكتيۆالىق تەحنولوگيالاردى تالداۋ، سودان كەيىن وزىق تاجىريبەنى تاراتۋ دەگەندى بىلدىرەدى. اتالعان جۇمىسقا «اتامەكەن» ۇلتتىق كاسىپكەرلەر پالاتاسى دا ءوز ۇلەسىن قوسۋى ءتيىس، دامۋ ءۇشىن نە قاجەت ەكەنىن بيزنەستىڭ وزدەرى ايتۋى كەرەك»، — دەدى ءاليحان سمايىلوۆ.
سونىمەن قاتار وتىرىستا «ونەركاسىپكە ارنالعان يننوۆاتسيالار» ءبىرىڭعاي اقپارات جۇيەسىن ىسكە قوسۋ ماسەلەسى قارالدى.
بۇل جەر قويناۋىن پايدالانۋشىلاردىڭ عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى قارجىلاندىرۋ جونىندەگى مىندەتتەمەلەرىنىڭ ورىندالۋىنا مونيتورينگ جۇرگىزۋگە، سونداي-اق ونەركاسىپ كاسىپورىندارىنىڭ، ينۆەستورلاردىڭ، ج و و مەن ع ز ي- دىڭ ءوزارا ءىس-قيمىلىن جولعا قويۋعا مۇمكىندىك بەرەدى. ناتيجەسىندە مۇنىڭ ءبارى يننوۆاتسيالىق تەحنولوگيالاردى بەلسەندى تۇردە وندىرىسكە ەنگىزۋگە كومەكتەسۋى كەرەك.